ورتاشا ەڭبەكاقى 2018 جىلمەن سالىستىرعاندا 15,7 پروتسەنتكە جوعارىلاپ, 126,5 مىڭ تەڭگەگە كوتەرىلىپ وتىر. مەملەكەتتىك بيۋدجەتكە 4 ميلليارد تەڭگە سالىق جانە وزگە دە مىندەتتى تولەمدەر ءتۇسىپتى.
– وتكەن جىلى اۋىل شارۋاشىلىعى ءونىمىنىڭ جالپى كولەمى 36,6 ميلليارد تەڭگەنى قۇرادى. اۋدان ديقاندارى اۋا رايىنىڭ قيىندىعىنا قاراماستان, 435 مىڭ توننا استىقتى ۋاقىتىندا ءارى شاشپاي-توكپەي جيناپ الدى. مەملەكەت تاراپىنان بۇل سالاعا جىل سايىن تىڭايتقىش, تۇقىم, گەربيتسيد باعاسىن ارزانداتۋعا سۋبسيديا تولەنەدى. بيىل اۋدان بويىنشا 15 تراكتور, 17 كومباين, 8 ەگىس كەشەنى ساتىپ الىندى. مال شارۋاشىلىعىن دامىتۋ ماقساتىندا 115 ميلليون تەڭگە سۋبسيديا تولەندى. بۇل اسىل تۇقىمدى مال شارۋاشىلىعىن دامىتۋعا, مال شارۋاشىلىعى ءونىمىنىڭ ساپاسى مەن ونىمدىلىگىن ارتتىرۋعا ىقپال ەتۋدە. قازىر اۋداندا 31,4 مىڭ باس ءىرى قارا, 27 مىڭ قوي-ەشكى, 11 مىڭ باس جىلقى باعىلادى. بىلتىر 6,2 مىڭ باس ءىرى قارا اسىلداندىرىلدى. وتكەن جىلى 13 ينۆەستيتسيالىق جوبا جۇزەگە اسىرىلىپ, 86 جۇمىس ورنى اشىلدى. بيىلعى جىلى مال بورداقىلاۋ الاڭدارى, وڭدەۋشى كاسىپورىن, قۇس فابريكاسى ءتارىزدى 8 ينۆەستيتسيالىق جوبا جۇزەگە اسىرىلماقشى. وندىرىلگەن ونەركاسىپ ءونىمىنىڭ كولەمى 21,3 ميلليارد تەڭگەنى قۇرادى. بۇل باعىتتا اتباسار ەلەكتروۆوز جوندەۋ زاۋىتى, «اجدار جانە ك», «اتباسار تەحنوپارك» سەرىكتەستىكتەرىنىڭ ۇلەسى مول. اۋداندا 2,5 مىڭ شاعىن جانە ورتا بيزنەس سۋبەكتىلەرى جۇمىس ىستەپ, 6,5 مىڭ ادامدى جۇمىسپەن قامتىپ وتىر. وتكەن جىلى وڭىردە 15,4 مىڭ شارشى مەتر تۇرعىن ءۇي پايدالانۋعا بەرىلىپ, 130 وتباسى باسپانالى بولدى. سۋ تاسقىنىنان زارداپ شەككەن تۇرعىندار 495 پاتەرمەن قامتاماسىز ەتىلدى. جۋىردا كوپ بالالى وتباسىلارعا جانە الەۋمەتتىك جاعىنان از قامتىلعان تۇرعىندار ءۇشىن 90 پاتەرلىك ەكى ءۇي پايدالانۋعا بەرىلەدى, - دەيدى اۋدان اكىمى.
العا ۇمتىلعان اتباسارلىقتار وزدەرىنىڭ تىنىمسىز ارەكەتتەرىنىڭ ارقاسىندا اۋداننىڭ الەۋەتىن ارتتىرا تۇسۋدە.
