جاڭا ءادىس كوكشەتاۋ قالاسى اكىمىنىڭ كەڭسەسىندە مەملەكەتتىك قىزمەتشىلەردىڭ جۇمىس كومپيۋتەرلەرىندە «پارا بەرمە, پارا الما» دەگەن حابارلاما ارقىلى جۇزەگە اسپاق.
سىبايلاس جەمقورلىققا قارسى «پارا الما, پارا بەرمە» ەسكەرتۋى مەملەكەتتىك اپپاراتتىڭ ءار قىزمەتكەرىنىڭ جۇمىس ۇستەلىنە ورناتىلادى. ەكرانداعى 20 سەكۋندتىق ەسكەرتپە سىبايلاس جەمقورلىقتىڭ الدىن الۋدىڭ جانە مەملەكەتتىك قىزمەتكەرلەر اراسىندا اتالمىش ىندەتكە قارسى مادەنيەتتى قالىپتاستىرۋدىڭ ءتيىمدى ادىستەرىنىڭ ءبىرى بولادى دەپ كۇتىلۋدە. ەسكەرتۋ تەك كوكشەتاۋ قالالىق اكىمدىگىنىڭ قىزمەتكەرلەرىنىڭ كومپيۋتەرىندە عانا ەمەس, قالا اكىمى امانگەلدى سمايىلوۆتىڭ دا قىزمەتتىك قۇرالىنا ورناتىلدى.
–مەملەكەتتىك قىزمەتتەگى ءاربىر ادام جۇمىس كۇنىن كومپيۋتەرى ارقىلى سىبايلاس جەمقورلىقتىڭ الدىن-الۋ تۋرالى ەسكەرتۋدەن باستاعانى وتە ورىندى. سول ەسكەرتۋ ارقىلى جەمقورلىققا جولاماي, قىزمەتىن ادال اتقاراتىن بولادى. قالالىق اكىمدىكتە قابىلدانعان تاجىريبەنى الداعى ۋاقىتتا وبلىستىڭ بارلىق مەملەكەتتىك ورگاندارىنا ەنگىزۋ جوسپارلانۋدا, دەيدى وبلىستىق سىبايلاس جەمقورلىققا قارسى ءىس-قيمىل جونىندەگى دەپارتامەنتىنىڭ باسقارما جەتەكشىسى باقىتجان ءامىرحانوۆ.
