قوعام • 16 قاڭتار، 2020

اتاۋلى الەۋمەتتىك كومەك نەگە بەرىلمەي قالدى؟

39 رەت كورسەتىلدى

رەداكتسياعا زاڭدى كەڭەس سۇراپ حات جازعان وقىرماندارىمىزدىڭ دەنى اتاۋلى الەۋمەتتىك كومەككە قول جەتكىزە الماي جۇرگەندەرىن ايتادى. كوبىنىڭ سۇراقتارى ۇقساس بولعاندىقتان، ولاردىڭ اراسىنان مىنا ەكى حاتتى ىرىكتەپ الىپ، وعان زاڭگەر شولپان سەيسەمباەۆانىڭ قايتارعان جاۋابىن بەرىپ وتىرمىز.

– اسىراۋشىسىنان ايىرىل­عان­دارعا بەرىلەتىن الەۋمەتتىك جار­دەم­اقى­نى الا الماي ءجۇرمىز. 2019 جىل­دىڭ ماۋسىم ايىندا قاي­تىس بول­عان بالامنىڭ اكەسى كەزىندە اكە­لىك قۇقىعىنان ايىرىلعان ەدى. ەن­دى سول جاعداي بوگەت بولىپ وتىر دەيدى الەۋمەتتىك ورگان. ونداي جاۋاپ قانشا­لىقتى دۇرىس؟

ت.قايىرباەۆا

 

شىمكەنت قالاسى

– وكىلەتتى ورگان قىزمەتكەرلەرىنىڭ مۇنداي جاۋابى زاڭعا قايشى. راس، اسىراۋشىسىنان ايىرىلعاندار تۋ­رالى الەۋمەتتىك جاردەماقى اكەسى نەمەسە شەشەسى قايتىس بولعان جاع­دايدا تاعايىندالادى. ويتكەنى قازاق­ستان رەسپۋبليكاسى «نەكە جانە وتباسى تۋرالى» كودەكسىنىڭ 4-ت.،
69 ب. سايكەس، اتا-اناسى (ولاردىڭ بىرەۋى) اتا-انا قۇقىقتارىنان ايى­رىلعان بالا اتا-اناسىمەن جانە باسقا دا تۋىستارىمەن تۋىستىق فاكتىسىنە، ونىڭ ىشىندە مۇرا الۋ قۇقىعىنا نەگىزدەلگەن تۇرعىن ءۇي-جايعا مەنشىك قۇقىعىن نەمەسە تۇرعىن ءۇي-جايدى پايدالانۋ قۇقىعىن، سونداي-اق مۇ­لىكتىك قۇقىقتارىن ساقتاپ قالادى.

ال ەندى جوعارىداعىداي جاعدايدا، بەرەر كەڭەسىم: قۇجاتتارىڭىزدى تو­لىق­تاي جيناپ تۇرعىلىقتى جەردەگى ۋاكى­لەتتى مەملەكەتتىك ورگانعا تاپ­سى­رىپ، جاۋابىن كۇتىڭىز. ەگەر ۋا­كى­لەت­تى مەملەكەتتىك ورگان جازباشا جاۋا­بىندا اتالعان سەبەپتەر­مەن الەۋ­مەتتىك جاردەماقى تاعايىن­داۋ­عا قارسىلىق بىلدىرسە، سوتقا شاعىم­دانىپ، ول ءىستى ۇتىپ شىعۋعا ابدەن مۇم­­كىندىگىڭىز بار.

قاجەتتى قۇجاتتار ءتىزىمى: ارىز بە­رۋ­­شىنىڭ جەكە كۋالىگى، تۇرعىلىقتى مە­كەن­جايى تۋرالى انىقتاما، ادام­نىڭ قايتىس بولعانىن راستايتىن انىق­­­تاما، نەكە كۋالىگى، بالانىڭ تۋ تۋرا­لى كۋالىگى. 18 جاستان اسقان با­لا­ وقيتىن بولسا، كۇندىزگى بولىمدە وقي­­­­تىنى تۋرالى انىقتاما قاجەت. سو­­­نىمەن قاتار بالانىڭ اكەسى بۇ­رىن قايتىس بولسا، سول ارالىقتاعى جار­­دەماقىنى قايتارىپ الا الاسىز. سە­­بە­بى الەۋمەتتىك جاردەماقى ادام­نىڭ قايتىس بولعان كۇنىنەن باستاپ تو­لەنەدى.

– مەن بىلتىر 21 مىڭ تەڭگە الۋ ءۇشىن قۇجات تاپسىردىم. ونى 3 اي العان سوڭ، ء«سىزدىڭ تابىسىڭىز 21 مىڭ تەڭگە الۋعا مۇقتاج ەمەس» دەپ باس تارتىلدى. ال وسى اتاۋلى كومەكتى الۋ ءۇشىن 1 جىلعا شارتقا وتىرعان ەدىك. الايدا ونى وزدەرى ەندى بۇزىپ وتىر. مەنىڭ جالدامالى بولمەمە كوميسسيا كەلىپ، ء«سىزدىڭ تۇرمىسىڭىز تومەن، 21 مىڭ تەڭگە الۋعا لايىقتىسىز» دەپ قورىتىندىلاپ كەتكەن. بىراق بۇل تۋرالى قۇجاتتار جوعارىعا وتپەي وتىر. ەندى نە ىستەۋىم كەرەك؟

اسەلحان ارىپبايقىزى

 

اقمولا وبلىسى،

تسەلينوگراد اۋدانى،

قوسشى اۋىلى

 

– بيىلعى جاڭا تارتىپپەن جان باسىنا شاققاندا ايلىق تابىس 25398 تەڭگەدەن اسپاسا، وتباسى­نا اتاۋ­­­لى الەۋمەتتىك كومەك تاعايىن­دا­­لا­دى. دەگەنمەن بىلتىر ءسىزدىڭ وت­با­سى­ڭىزدى ۋاكىلەتتى ورگان لايىق­تى دەپ تانىپ، مەملەكەت تاراپى­نان اتاۋ­لى الەۋمەتتىك كومەك تاعايىن­دالىپ، ونى ءۇش اي بويى الىپ تۇرعان­سىز.

ءسىزدىڭ ايتۋىڭىز بويىنشا، ارنايى كوميسسيا ۇيىڭىزگە كەلىپ تەكسەرگەن. الايدا بەلگىسىز ءبىر سەبەپتەرمەن اتاۋلى الەۋمەتتىك كومەك تولەنۋگە لايىقتى ەمەسسىز دەپ قورىتىندى جا­سالعان. جانە دە شەشىم اۋىزشا جاريا­لانعان سەكىلدى.

جالپى اتاۋلى الەۋمەتتىك كومەك تاعايىنداۋ ساتىسىندا وتباسىنىڭ جيىنتىق تابىسى ەسەپتەلەدى. اتاپ ايتقاندا، مەملەكەتتىك اتاۋلى الەۋمەتتىك كومەك تۋرالى زاڭعا سايكەس اتاۋلى الەۋمەتتىك كومەك الۋعا جان باسىنا شاققانداعى ورتاشا تابىسى كەدەيلىك شەگىنەن اساتىن تۇلعالار (وتباسىلار) جاتپايدى.

ەگەر اتاۋلى الەۋمەتتىك كومەك الۋعا ۇمىتكەر ادامنىڭ (وتباسىنىڭ) جيىنتىق تابىسى وزگەرسە (ۇلعايسا)، وندا، ارينە، ۇمىتكەر اتاۋلى الەۋمەت­تىك كومەك بەرۋگە مۇقتاج ەمەس دەگەن شەشىم قابىلدانۋى مۇمكىن.

الايدا، ونداي شەشىم اۋىزشا جاريالانبايدى. مىندەتتى تۇردە ۋاكى­لەتتى ورگان شەشىم قابىلداپ، ونىڭ جازباشا جاۋابىن ۇمىتكەرگە ۇسى­نادى.

ەگەر ۇمىتكەر ۋاكىلەتتى ورگاننىڭ شەشىمىمەن كەلىسپەگەن جاعدايدا، سوت­قا جۇگىنۋگە قۇقىلى.

 

 

سوڭعى جاڭالىقتار

ءۇي سالعانعا – ۇلكەن كومەك

قوعام • بۇگىن، 08:05

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار