بۇل باستاما نەگىزىندە ۇلتتىق بىرىڭعاي تەستىلەۋدىڭ اشىقتىعى مەن وبەكتيۆتىلىگىنە قوعامدىق باقىلاۋدى جۇزەگە اسىرۋ ماقساتىندا, قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ ىسكە اسىرىلۋىن سىرتقى تالداۋ جانە باعالاۋدىڭ ارنايى مونيتورينگتىك توبىنىڭ وكىلدەرى جۇمىلدىرىلادى.
2020 جىلى 13 قاڭتاردا سىبايلاس جەمقورلىققا قارسى ءىس-قيمىل اگەنتتىگىندە (سىبايلاس جەمقورلىققا قارسى قىزمەت) ۇلتتىق تەستىلەۋ ورتالىعى, سىبايلاس جەمقورلىققا قارسى قىزمەت جانە وڭىرلەردەگى ارنايى مونيتورينگتىك توپ وكىلدەرىنىڭ قاتىسۋىمەن ءماجىلىس وتكىزىلدى.
ۇلتتىق بىرىڭعاي تەستىلەۋدى وتكىزۋ قاعيدالارىنا سايكەس, 2020 جىلى 16-20 قاڭتار ارالىعىندا 99 ۇبت پۋنكتى بازاسىندا ۇبت وتكىزىلەدى.
جوعارى وقۋ ورنىنا اقىلى نەگىزدە ءتۇسۋ ءۇشىن ۇبت جىلىنا 4 رەت وتكىزىلەدى (قاڭتار, ناۋرىز, ماۋسىم, تامىز). بۇل رەتتە وقۋعا تۇسۋشىلەر ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ماۋسىم ايىندا وتكىزىلەتىن ۇبت-نى تاپسىرۋى قاجەت. جالپى, ۇبت-نى تاپسىرۋ فورماتى وزگەرىسسىز. بۇل نورما جوعارى ءبىلىم الۋعا قولجەتىمدىلىكتى ارتتىرۋ ماقساتىندا ەنگىزىلدى.
ۇبت-عا قاتىسۋ ءۇشىن قۇجاتتاردى قابىلداۋ 2019 جىلى 1-15 جەلتوقسان ارالىعىندا بىرىڭعاي اقپاراتتىق جۇيە ارقىلى جۇزەگە اسىرىلدى. ناتيجەسىندە, ۇبت-عا قاتىسۋعا 95 مىڭنان اسا ادام ءوتىنىش بەردى.
وسى ۇبت-عا ورتا مەكتەپتەردىڭ 11 (12-سىنىپ وقۋشىلارى, ءبىرىنشى اكادەميالىق وقۋ كەزەڭىن اياقتاعانعا دەيىن (شارتتى تۇردە قابىلداۋ) جوو-عا قابىلدانعان تۇلعالار, سونداي-اق شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىندا وقيتىن جانە باسقاسىنا اۋىسۋعا نيەت بىلدىرگەن ستۋدەنتتەر قاتىسادى.
ۇبت وتكىزۋ ءۇشىن جەرگىلىكتى جەرلەردە 594 ادامنان تۇراتىن ۇبت ۇيىمداستىرۋ جانە وتكىزۋ بويىنشا مەملەكەتتىك كوميسسيالار قۇرىلدى.ۇبت-دا 820 اۋديتوريا پايدالانىلاتىن بولادى. بارلىق اۋديتوريالار ۇيالى بايلانىس قۇرالدارىنىڭ جۇمىسىن باسقىشتار جانە بەينەباقىلاۋ كامەرالارىمەن قامتاماسىز ەتىلگەن.
