جارىستىڭ باستى ماقساتى بوز كىلەمدە بەلدەسەر جاسوسپىرىمدەردى الداعى جاۋاپتى سىندارعا شيراتىپ, جەتىلدىرىپ, شىڭداپ اپارۋ بولاتىن. كىلەم ۇستىندەگى باق پەن باپ سىناعان ساتكە 15 وڭىردەن 125 سپورتشى جينالدى. كوكشەتاۋ قالاسىنىڭ اكىمى امانگەلدى سمايىلوۆ بالاۋسا بالۋاندار بەلدەسۋىن تاماشالاۋعا كەلىپ, وسى ءساتتى پايدالانىپ, كۇرەستەن كسرو سپورت شەبەرى, داعىستان جىگىتى, بۇكىل ساناۋلى عۇمىرىن قازاقستاندا وتكىزگەن احمەت رادجاپوۆپەن كەزدەسىپ, قاپيادا مۇگەدەك بولىپ قالعان ارداگەر بالۋانعا دەنساۋلىق تىلەدى. احمەت باگاۋدين ۇلىنىڭ ارىپتەستەرى ءوز اتتارىنان سىي-سىياپات جاسادى. بۇدان سوڭ بالۋاندار بەلدەسۋى باستالىپ كەتتى.
–جىل باسىنداعى جارىس جاسوسپىرىمدەر ءۇشىن الداعى سايىستارعا سارا جول اشادى. سوندىقتان بولار ولار قاتىسۋشىلار سانى بيىل بىرنەشە ەسەگە ارتتى. قازاق كۇرەسىنىڭ قاناتىنىڭ كەڭگە جايىلىپ كەلە جاتقانىن سەزىندىك. ارينە, مىقتىلار جەڭىسكە جەتەدى. سولاردىڭ اراسىنان قۇراما ساپىندا كۇرەسەتىن بالۋانداردى ىرىكتەيمىز, دەيدى جارىستىڭ باس تورەشىسى مارات قويشين.
قازاق كۇرەسىنىڭ اقمولا وبلىسىندا دا قانات جايىپ كەلە جاتقاندىعى قۋانتادى. بۇل ءۇردىس ۇلكەن سپورتقا جەتەلەۋدىڭ باستاۋى ىسپەتتى.
ء–بىزدىڭ اۋداندا سوڭعى جىلدارى قازاق كۇرەسى مىقتاپ دامۋدا. ول اۋىل ايماقتا دا جەتىلىپ كەلەدى. سونىڭ يگى ناتيجەسىن كورۋدەمىز. وبلىس قۇراماسىندا بىرنەشە سپورتشىمىز ونەر كورسەتۋدە. جىلدىڭ العاشقى جارىسىنا دا كىلەڭ مىقتىلاردى الىپ كەلدىك, دەيدى ارشالى اۋدانىنىڭ باپكەرى جاناي ىبىراەۆ.
قازاق كۇرەسىنەن وتكەن جاسوسپىرىمدەردىڭ ىرىكتەۋ چەمپيوناتىندا كۇشتىلەرى جەڭىستىڭ بيىك تۇعىرىنا كوتەرىلدى. ولاردىڭ اراسىندا بولاشاعىنان كوپ ءۇمىت كۇتتىرەتىن بالاۋسا بالۋاندار قازاق كۇرەسى ماماندارىنىڭ نازارىنا ىلىكتى.
