2019 جىلعى 27 جەلتوقساندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى, مەملەكەتتىك باسقارۋ جۇيەسىن جانە بيۋدجەتارالىق قاتىناستاردى جەتىلدىرۋ, كرەديتتەۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
زاڭ شەڭبەرىندە نۇر-سۇلتان, الماتى مەن شىمكەنت قالالارى اكىمدىكتەرىنىڭ, ونىڭ ىشىندە باسقارىلاتىن ۋربانيزاتسيا شەڭبەرىندە قالا قۇرىلىسى ساياساتى, كولىك ينفراقۇرىلىمى, ساۋلەت كەلبەتى سالاسىنداعى قۇزىرەتىن كەڭەيتۋ بويىنشا تۇزەتۋلەر ەنگىزىلدى.
ۆەدومستۆونىڭ ءباسپاسوز قىزمەتى 6 زاڭعا (قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى», «قازاقستان رەسپۋبليكاسى استاناسىنىڭ مارتەبەسى تۋرالى», «الماتى قالاسىنىڭ ەرەكشە مارتەبەسى تۋرالى», «قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى تۋرالى», «تۇرعىن ءۇي قاتىناستارى تۋرالى», «مەملەكەتتىك م ۇلىك تۋرالى» زاڭدار) وزگەرىستەر مەن تولىقتىرۋلار ەنگىزىلگەنىن اتاپ ءوتتى. بۇلار رەسپۋبليكالىق ماڭىزى بار قالالار مەن استانانى دامىتۋدىڭ وزەكتى ماسەلەلەرىن شەشۋگە مۇمكىندىك بەرەتىن ايتىلعان قالالاردىڭ تىرشىلىگىن قامتاماسىز ەتۋ مەن دامىتۋداعى جەكەلەگەن ماسەلەلەردى رەتتەۋ بويىنشا وزگەدەي ءتارتىپتى ورناتۋعا باعىتتالعان.
