نازاردا – ءادىل سوت ماسەلەلەرى

پالاتا توراعاسىنىڭ ورىن­باسارى الەكساندر ءسۋديننىڭ قا­تىسۋىمەن ءارى زاڭناما جانە قۇ­قىقتىق ماسەلەلەر كوميتەتىنىڭ توراعاسى بەرىك يماشەۆتىڭ ءتورا­عالىعىمەن وتكەن سەنات دەپۋتات­تا­­رىنىڭ تورەلىك سوتتار مەن ار­بيتراجدىق ورگاندار وكىلدەرىمەن كەزدەسۋىندە بالاما ءادىل سوت ماسە­لەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى. كوميتەت باسشىسى ب.يماشەۆ ءوزىنىڭ العىسوزىندە كوممەرتسيالىق جانە ازاماتتىق-قۇقىقتىق داۋلار­دى سوتقا دەيىن شەشۋدىڭ مەملەكەت­تىك ەمەس زاڭ جۇيەسىن قۇرۋ وزەكتى­لىگىن ايتا كەلىپ, تورەلىك جانە اربيتراج­دىق سوت ءىسىن دامىتۋ قاجەتتىگىن اتاپ كورسەتتى. ازاماتتىق-قۇقىقتىق داۋلاردى شەشۋدىڭ بەلگىلى ءارى ءتيىمدى بالاما ءادىسى – تورەلىك جانە اربيتراج سوتى ءىسىنىڭ قىزمەتى ءتيىستى قۇقىق­تىق بازا­مەن نىعايتىلعان. وسى تۇرعىدا مى­ناداي زاڭدار بار: “تورەلىك سوتتار تۋرالى”, “حالىق­ارالىق كوممەر­تسيا­لىق اربيتراج تۋرالى”, “قا­زاقستان رەسپۋبليكا­سىنىڭ كەيبىر زاڭنامالىق اكتىلە­رىنە مەملەكەتتىڭ يممۋنيتەتى مەن ونىڭ مەنشىگى, تورە­لىك سوتتار مەن حالىقارالىق كوم­مەرتسيالىق ار­بيتراج قىزمەتتە­رىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى”. ب.يماشەۆ ءىس-تاجىريبەلەر وسى سالادا قولدانىلىپ جۇرگەن قۇقىقتىڭ ودان ءارى جەتىلدىرىلۋىن كورسەتىپ وتىرعاندىعىن ايتىپ, تورەلىك سوتتار مەن اربيتراجدىق ورگاندار قىزمەتىندەگى وزەكتى ماسە­لەلەردى سىندارلى تالقىلاۋ بۇل سالاداعى قۇقىقتىق رەتتەۋدى جاق­سارتۋعا وڭ سەپتىگىن تيگىزەتىندىگىن اتاپ ءوتتى. “زاڭنامالىق تۇرعىداعى كەمشىلىكتەردى قالپىنا كەلتىرۋ وسى سوتتان تىس ورگانداردىڭ قۇ­قىق قورعاۋ تەتىكتەر جۇيەسىندەگى ءوز­دەرىنە لايىقتى ورنىن يەلەنۋ­لەرىنە مۇمكىندىك بەرەدى”, – دەدى سەناتور. قىزۋ تالقىلاۋ بارىسىندا ادىلەت ۆيتسە-ءمينيسترى م.بەكەتاەۆ, جوعارعى سوتتىڭ ازاماتتىق جانە اكىمشىلىك ىستەر جونىندەگى قاداعالاۋ سوت القاسىنىڭ توراعاسى ا.تاشە­نوۆا, س.ەسقاراەۆ اتىنداعى باس پرو­كۋراتۋرا ينستيتۋتىنىڭ ديرەك­تورى س.مولداباەۆ جانە ەلىمىزدەگى اربيتراج سوتىنىڭ وكىلدەرى تورەلىك جانە اربيتراجدىق سوتتار جۇيەسىن زاڭنامالىق تۇرعىدان نىعايتۋعا قاتىستى ءوز ويلارىمەن ءبولىستى. كەزدەسۋدى قورىتىندىلاي كەلىپ ب.يماشەۆ قاتىسۋشىلارعا سىندار­لى پىكىر الماسۋلار ءۇشىن العىس ءبىلدىرىپ, بالاما سوت جۇيەسى ماسەلە­لەرىنە قاتىستى زاڭنامانى جەتىل­دىرۋ بارىسىندا ايتىلعان ۇسىنىس­تار قولدانىلاتىندىعىن جەتكىزدى.