سينوپتيكتەردىڭ بولجامىنا سايكەس, تۇركىستان وبلىسىنىڭ باتىسى, سولتۇستىگى, وڭتۇستىگى جانە تاۋلى اۋداندارىندا تۇمان ءتۇسىپ, وڭتۇستىك-شىعىستان سوققان جەلدىڭ ەكپىنى تاۋ اسۋلارىندا تۇندە, ال كۇندىز كەيبىر اۋدانداردا سەكۋندىنا 15-20 مەترگە دەيىن جەتەدى.
قاراعاندى وبلىسىندا باتىس, سولتۇستىك جانە شىعىس بولىكتەرىندە تۇمان كۇتىلەدى. قاراعاندى قالاسىنىڭ وزىندە تۇنگى جانە تاڭعى ۋاقىتتا كورىنۋ قاشىقتىعى تومەندەيدى.
ۇلىتاۋ وبلىسىنىڭ سولتۇستىگى, ورتالىعى مەن وڭتۇستىگىندە دە تۇمان باسىم. جەلدىڭ كۇشەيۋى اسىرەسە وبلىستىڭ سولتۇستىگى مەن شىعىسىندا بايقالادى. جەزقازعان قالاسىندا دا تۇمان بولادى.
پاۆلودار وبلىسىنىڭ سولتۇستىك جانە شىعىس ايماقتارىندا تۇمان تۇسەدى.
سولتۇستىك قازاقستان وبلىسىندا قار جاۋىپ, بۇرقاسىن سوعادى. تۇندە جانە تاڭەرتەڭ تۇمان كۇتىلەدى, ال جەلدىڭ ەكپىنى كۇندىز كەي جەرلەردە سەكۋندىنا 15-20 مەترگە دەيىن كۇشەيەدى. پەتروپاۆل قالاسىندا دا قاتتى جەل مەن كوكتايعاق بولۋى مۇمكىن. سونىمەن قاتار, 5 اقپاندا وڭىردە جاڭبىر مەن قار ارالاس جاۋىن-شاشىن, بۇرقاسىن جانە كوكتايعاق بولجانىپ وتىر.
اقتوبە وبلىسىندا تۇندە قاتتى قار, كۇندىز جاڭبىر مەن قار ارالاس جاۋىن-شاشىن جاۋادى. كوكتايعاق پەن تۇمان اسىرەسە ورتالىق, وڭتۇستىك جانە شىعىس بولىكتەردە كۇتىلەدى.
اتىراۋ وبلىسىنىڭ سولتۇستىگى مەن شىعىسىندا ازداعان قار مەن جاياۋ بۇرقاسىن بولادى. وبلىستىڭ بىرنەشە اۋدانىندا تۇمان مەن كوكتايعاق ساقتالىپ, جەل ەكپىنى سەكۋندىنا 15-20 مەترگە جەتۋى مۇمكىن.
اباي وبلىسىندا قار جاۋىپ, بۇرقاسىن سوعادى. سولتۇستىك, وڭتۇستىك جانە شىعىس اۋدانداردا تۇمان تۇسەدى.
شىعىس قازاقستان وبلىسىندا دا قار مەن بۇرقاسىن كۇتىلەدى, ال كەي ايماقتاردا جەل ەكپىنى سەكۋندىنا 20 مەترگە دەيىن جەتەدى.
