فوتو: egemen.kz/قىرمىزى جۇماعاليقىزى
تەكسەرۋ بارىسىندا 2026 جىلعى 11 اقپانعا دەيىن مەديتسينالىق مەكەمەدە 106 ناۋقاس مونيتورينگى ءمودۋلى مىندەتتى راسىمدەردەن وتپەي پايدالانىلعانى بەلگىلى بولدى. مەكەمە اتالعان جابدىقتاردى مەترولوگيالىق اتتەستاتسياسىز قولدانعان. سونداي-اق مەملەكەتتىك رەەستردە تىركەمەگەن جانە مىندەتتى تەكسەرۋدەن (پوۆەركادان) وتپەگەن. سوعان قاراماستان, قۇرىلعىلار مەديتسينالىق كومەك كورسەتۋ بارىسىندا پايدالانىلعان. بۇل مودۋلدەر ناۋقاستاردىڭ جۇرەك سوعۋ جيىلىگى, ارتەريالىق قىسىم, قانداعى وتتەگى دەڭگەيى (SpO₂), ەلەكتروكارديوگرامما (ەكگ) جانە دەنە تەمپەراتۋراسى سىندى ومىرلىك ماڭىزدى كورسەتكىشتەرىن كەزىندە پايدالانىلعان.
ساق بولىڭىز: الاياقتار مەديتسينا قىزمەتكەرى رەتىندە حابارلاسا باستادى
«مۇنداي جابدىقتى ولشەۋ دالدىگىن راستاماي قولدانۋ كلينيكالىق شەشىم قابىلداۋعا تىكەلەي اسەر ەتىپ, ناۋقاستاردىڭ قاۋىپسىزدىگىنە قاۋىپ توندىرەدى. تەكسەرۋ ناتيجەسىندە مەديتسينالىق ۇيىم قىزمەتىندە «ولشەم بىرلىگىن قامتاماسىز ەتۋ تۋرالى» زاڭىنىڭ 17 جانە 19-باپتارىنىڭ تالاپتارى بۇزىلعانى انىقتالدى. انىقتالعان فاكتىلەر تەكسەرۋ ماتەريالدارىمەن راستالدى. باقىلاۋ ءىس-شارالارىنىڭ قورىتىندىسى بويىنشا انىقتالعان بۇزۋشىلىقتاردى جويۋ تۋرالى ورىندالۋى مىندەتتى نۇسقاما بەرىلدى. جابدىقتاردى پايدالانۋ زاڭ تالاپتارىنا تولىق سايكەستىككە كەلتىرىلۋى ءتيىس», دەلىنگەن حابارلامادا.
وقۋشىلار مەديتسينالىق كومەكسىز قالعان: جەتىسۋ وبلىسىندا مەكتەپتەر تەكسەرىلدى
انىقتالعان بۇزۋشىلىقتار ءۇشىن مەكەمە اكىمشىلىك جاۋاپكەرشىلىككە تارتىلىپ, 600 اەك (2 595 000 تەڭگە) كولەمىندە ايىپپۇل تولەگەن.
