ايماقتار • 08 قاڭتار، 2020

اقمولا جولدارىندا ونداعان ادام قۇتقارىلدى

36 رەتكورسەتىلدى

بيىل قىس جۇمساق بولعانىمەن، اۋىق-اۋىق ۇيىتقي سوعاتىن بوران جولاۋشىلاردىڭ جولدا قاڭتارىلىپ قالۋىنا سەبەپشى بولىپ وتىر. اقمولا وبلىسى توتەنشە جاعدايلار، پوليتسيا دەپارتامەنتتەرىنىڭ قىزمەتكەرلەرى تاياۋدا وبلىس جولدارىندا ونداعان ادامداردى قۇتقاردى.

سوڭعى بوران سوقتالانعان ناعىز ماي بوران بولدى. دىمقىل بولعاندىقتان، جۇمارلانىپ جابىسىپ جاتىر. سونىڭ سالدارىنان وبلىس ىشىندەگى كۇرە جولدار كەپتەتىلىپ قالدى. قىستىڭ قاتال سىنشى ەكەندىگىن بىلەتىن، ءتاستۇيىن دايىن تۇرعان قۇتقارۋشىلار جۇزدەگەن ماشينالاردى قارلى جولداردان ەۆاكۋاتسيالادى، تالاي ادام جىلىتۋ ورىندارىنا ورنالاستىرىلدى. «قازگيدرومەت» رمك الدىن الا ەسكەرتكەن كۇردەلى مەتەورولوگيالىق جاعداي ۇلكەن قيىندىق تۋعىزدى.

وبلىس جولدارىنىڭ بەس ۋچاسكەسىندە جول جابىلدى. 22 جىلجىمالى باقىلاۋ-وتكىزۋ پۋنكتى قويىلدى. جاعدايدى قالىپتى ۇستاۋعا ونداعان اۆتوموبيلدەر مەن جۇزدەگەن قۇتقارۋشىلار مەن توتەنشە جاعدايلار كۇشتەرى جۇمىلدىرىلدى. وتكىزۋ پۋنكتتەرىندە توتەنشە جاعدايلار جانە جەرگىلىكتى پوليتسيا قىزمەتكەرلەرى ءتۇسىندىرۋ جۇمىستارىن جۇرگىزدى. سونىڭ ناتيجەسىندە 394 ءتۇرلى كولىك، بەس جۇزدەن استام ادام توڭىپ-جاۋراماي امان قالدى. شورتاندى، جاقسى جانە ارشالى اۋداندارىندا جۇرگىزىلگەن اپاتتان قۇتقارۋ جۇمىستارىنىڭ ناتيجەسىندە دە قار قۇرساۋىنان جۇزدەگەن تەحنيكالار مەن ادامدار ەۆاكۋاتسيالاندى.ابىروي بولعاندا زارداپ شەككەندەر جوق.

 

اقمولا وبلىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار