سوندا دەيمىز, وسى ۋاقىتقا دەيىن مەتاللۋرگتەر قالاسى لوگوتيپسىز بولعان با؟ مۇنىسى قالاي دەپ ينتەرنەتتەن ىزدەستىرىپ كورىپ ەدىك, قالانىڭ ءتورت بىردەي لوگوتيپى كوزىمىزگە جارق ەتە قالدى...
داۋىس بەرۋ دەمەكشى, اتالعان اكتسيانى ۇيىمداستىرۋشىلاردىڭ ديزاينەرلەر ازىرلەگەن ءۇش نۇسقانى ۇسىنعان اقپاراتى قاراعاندى وبلىسى اكىمدىگىنىڭ رەسمي پورتالىندا جاريالاندى. تاڭداۋ جاساۋ ءۇشىن https://anketolog.ru/s/304126/b2VVeEIa سىلتەمەسىنە كىرۋ كەرەك ەكەن.
ۇسىنىلعان ءۇش نۇسقانى ءبىز دە قاراپ شىقتىق. مەرەيتويلىق پا دەيىن دەسەڭ, ونىسىن اشىپ جازباعان. ۇشەۋىندە دە «75» دەگەن سان جوق. اشىعىن ايتقاندا, لوگوتيپ نۇسقالارى تىم قارابايىر كورىندى. اتاقتى ماگنيتكاسىنىڭ مۇرجالارىنان ءتۇتىنى بۋداقتاعان, كومبيناتتا بالقىتىلعان شويىنى وزەن بولىپ اققان نەمەسە تەءمىرتاۋ قالاسىنىڭ سيمۆوليكالىق تانىس بەينەسىن ايشىقتايتىن قانداي دا ءبىر كورىنىستىڭ كەسكىنءىن كورە المادىق.
وسىعان وراي مىناداي سۇراقتار كوكەيگە كەلەدى:
1. وسى ءۇش نۇسقانى ازىرلەگەن ديزاينەرلەر كاسىبي ماماندار ما, ولاردىڭ اتى-ءجونى كىم؟
2. جالپى, مۇنىڭ الدىندا قالا لوگوتيپىن سالۋعا قانداي دا ءبىر كونكۋرس جاريالانىپ پا ەدى؟
3. نە سەبەپتى وسى ءۇش نۇسقا عانا تاڭداۋعا شىعارىلدى؟
4. ەكونوميكالىق جاعدايدى ەسكەرەر بولساق, ءدال قازىرگىدەي ىسىرىپقا جول بەرىلمەۋگە ءتيىس زاماندا قالانىڭ لوگوتيپىن وزگەرتۋ نە ءۇشىن قاجەت بولدى ەكەن؟
ەسكە سالساق, تەمىرتاۋ قالاسىنىڭ ىرگەتاسى بۇرىنعى سامارقاند اۋلىنىڭ نەگىزىندە 1945 جىلدىڭ 1 قازانىندا قالانعان ەكەن.
