جايلى ءارى قاتتى دىبىس شىعارمايتىن ەلەكترلى اۆتوبۋستاردىڭ ارتىقشىلىعى اتموسفەراعا زياندى قالدىق شىعارمايدى, سونداي-اق ۇنەمدى. ياعني ديزەلدى قوزعالتقىشپەن سالىستىرعاندا اۆتوبۋس پاركىنە 80 % جانارمايدى ۇنەمدەۋگە مۇمكىندىك بەرەدى.
«ەلەكترلى اۆتوبۋستار سونىمەن قاتار قىزمەت كورسەتۋدە دە ەرەكشەلەنەدى. وندا ماي اۋىستىرۋ, باسقا دا سۇيىقتىق اۋىستىرۋدىڭ قاجەتى بولمايدى. پايدالانۋعا بەرىلگەننەن كەيىنگى شىعىنى 80 پايىزعا دەيىن ۇنەمدەلەدى. ەگەر ديزەلدەگىلەردىڭ شىعىنى تاۋلىگىنە 22-25 مىڭ تەڭگەنى قۇراسا, ەلەكتروبۋستاردىڭ شىعىنى ودان 4-5 ەسەگە از بولادى. كونسترۋكتسيانى تاۋلىگىنە ءبىر رەت تۇنگى ۋاقىتتا عانا قۋاتتاۋ جەتكىلىكتى. ياعني اۆتوبۋستى كۇندىزگى ۋاقىتتا قۋاتتاۋدىڭ قاجەتى جوق, ول ءبىر كۇنگە تولىق جەتەدى» دەدى «استانا LRT» جشس باسقارما توراعاسىنىڭ ورىنباسارى باۋىرجان سەيىتوۆ.
جاڭا اۆتوبۋستار ينتەللەكتۋالدى باقىلاۋ جۇيەسىمەن, مۇمكىندىگى شەكتەۋلى جاندارعا ارنالعان پاندۋستارمەن جانە بالاسى بار جولاۋشىلارعا ارنالعان ورىندارمەن قامتاماسىز ەتىلگەن. سول سياقتى ونىڭ تاعى ءبىر ەرەكشەلىگى – ورىندىقتاردىڭ تۇسىندا ءموبيلدى تەلەفونداردى قۋاتتاۋعا ارنالعان جالعاعىشتار ورناتىلعان. ⠀
ەلەكترواۆتوبۋستار قازاقستاندىق «سارىاركااۆتوپروم» كومپانياسىندا قۇراستىرىلعان. جاڭا اۆتوبۋستار اۆتوپاركتى جاڭارتۋعا, ايالدامالارداعى كۇتۋ ۋاقىتىن, ينتەرۆالدى ازايتۋعا مۇمكىندىك بەرەدى.
