تولەنگەن بەرەشەكتىڭ سوماسى 17,1 ملرد تەڭگە, ال ەسەپتەن شىعارىلعان وسىماقىلار مەن ايىپپۇلدار – 6,2 ملرد تەڭگە. نەگىزگى بورىشتى بيۋدجەتكە تولەۋ كەزىندە 2019 جىلدىڭ باسىنان باستاپ 14, 584 ملرد تەڭگە مولشەرىندە نەگىزگى بورىش سوماسى تولەندى.
مەملەكەت باسشىسىنىڭ سالىق راقىمشىلىعى تۋرالى تاپسىرماسى كاسىپكەرلىككە كورسەتىلگەن مەملەكەتتىك قولداۋدىڭ ءبىرى, بۇل بيزنەسكە جۇمىستى تازا پاراقتان باستاۋعا مۇمكىندىك بەرىپ وتىر.
سالىق راقىمشىلىعى قورىتىندىسىنا كەلسەك, جالپى رەسپۋبليكا بويىنشا كاسىپكەرلىك سۋبەكتىلەرىنىڭ اراسىندا بارلىعى 41 183 سالىق تولەۋشى 8,3 ملرد تەڭگە بەرەشەگىن وتەدى. بۇل رەتتە ەسەپتەن شىعارىلعان وسىماقىلار مەن ايىپپۇلدار سوماسى 2,9 ملرد تەڭگەنى قۇرادى. سونىمەن قاتار تامىز ايىنان باستاپ راقىمشىلىق جاساۋ سالىق زاڭناماسىنداعى قۇقىق بۇزۋشىلىقتاردىڭ الدىن الدى.
وسىلايشا, سالىق راقىمشىلىعى ارقىلى 2 999 سالىق تولەۋشى 8,8 ملرد تەڭگە كولەمىندەگى بەرەشەكتى وتەپ, مۇمكىندىكتەرىن پايدالاندى. ولاردىڭ 3,4 ملرد تەڭگە ءوسىمپ ۇلى مەن ايىپپ ۇلى كەشىرىلدى.
جوعارىدا اتاپ وتكەنىمىزدەي, راقىمشىلىق ناۋقانى اياسىندا شاعىن جانە ورتا بيزنەستى كاسىپ ەتكەن 44 182 ادام 17, 1 ملرد تەڭگە بەرەشەك تولەپ, 6,2 ملرد تەڭگە وسىماقى مەن ايىپپۇل ەسەپتەن شىعارىلدى.
ايماقتارعا ءبولىپ قاراستىرار بولساق, سالىق راقىمشىلىعىن بەلسەندى پايدالانعان كاسىپكەرلەردىڭ ءتىزىمى كەلەسىدەي 6 513 شاعىن جانە ورتا بيزنەس سۋبەكتىسى الماتى قالاسىنا تيەسىلى. 5 196 سالىق تولەۋشى بار تۇركىستان وبلىسى ەكىنشى ورىندا تۇر. ءسال قالىس قالعان الماتى وبلىسى (5 054 سالىق تولەۋشى) ۇشتىكتى تۇيىندەدى. ەلوردادا راقىمشىلىقتىڭ يگىلىگىن پايدالانعانداردىڭ سانى – 3 729 ادام. سونداي-اق وسىماقىلار مەن ايىپپۇلداردىڭ ەڭ كوپ سوماسى الماتىدا تىركەلگەن, بۇل شامامەن 1,1 ملرد تەڭگە. بۇدان كەيىن اقتوبە وبلىسى, نۇر-سۇلتان قالاسى جانە قوستاناي وبلىسى جايعاسقان.
مەملەكەتتىك كىرىستەر كوميتەتىنىڭ باستاماسىمەن نۇر-سۇلتان, الماتى, وسكەمەن, شىمكەنت جانە اتىراۋ قالالارىندا سالىق تولەۋشىلەرگە سەمينارلار وتكىزىلىپ, سالاعا قاتىستى پروبلەمالار مەن ۇسىنىستار ايتىلدى.
ەستەرىڭىزگە سالا كەتەيىك, اعىمداعى جىلدىڭ سوڭىنا دەيىن سالىق بويىنشا بەرەشەكتەردى تولەۋ قاجەت. سالىق تولەۋشىلەر سالىق بويىنشا بەرەشەكتىڭ بار-جوعىن كەلەسى سىلتەمە بويىنشا بىلە الادى: http://kgd.gov.kz/ru/app/culs-taxarrear-search-web.
جوعارىداعى ستاتيستيكادان اڭعارعانىمىزداي, راقىمشىلىقتىڭ يگىلىگىن كورگەن ەل ازاماتتارىنىڭ سانى از ەمەس. ونى ەلىمىزدىڭ ىسكەر ورتاسى دا قۇپ كورىپ وتىر. ەڭ باستىسى, بۇل جۇمىس وسىمەن ءتامامدالىپ قالماسا يگى.
