قۇرمەتتى وتانداستار!
كەلە جاتقان جاڭا جىلعا وراي شىن جۇرەكتەن شىققان قۇتتىقتاۋىمىزدى قابىل الىڭىزدار!
بۇل – بارشاعا قۋانىش, جان جىلۋى مەن بولاشاققا دەگەن ىزگى ءۇمىت سىيلايتىن ەڭ جارقىن جانە اسىعا كۇتەتىن وتباسىلىق مەرەكەلەردىڭ ءبىرى.
وتكەن جىل ماڭىزدى جانە تاعدىرشەشتى قوعامدىق-ساياسي وقيعالار جىلى بولدى.
حالىقتىڭ دانالىعى ارقاسىندا قازاقستان دامۋ مەن جاسامپازدىق جولىن جالعاستىردى. ءبىز كۇش-قۋاتىمىزدىڭ بىرلىكتە ەكەنىن جانە ونىڭ پىكىرلەر الۋاندىعىنا, تاسىلدەردىڭ ارتۇرلىلىگىنە, جاڭا يدەيالاردىڭ بايلىعىنا سۇيەنەتىنىن ءىس جۇزىندە دالەلدەدىك.
جاڭا 2020 جىلدا قازاقستان حالقى اسسامبلەياسى مەن ەل كونستيتۋتسياسىنىڭ 25 جىلدىعىن اتاپ ءوتۋ مىندەتى تۇر.
بۇل – ازاماتتىق جاۋاپكەرشىلىك سەزىمى مەن ەرىكتى قىزمەت ەتۋ ارقىلى ءبىزدىڭ ءومىرىمىزدى جاقسارتا تۇسۋگە ۇمتىلدىراتىن ۆولونتەرلەر جىلى.
ابايدىڭ 175 جىلدىعى مەن ءابۋ ناسىر ءال-ءفارابيدىڭ 1150 جىلدىعى ۇلى دالانىڭ رۋحاني مادەنيەتىنىڭ, عىلىمى مەن تاريحىنىڭ جاڭا قىرلارىن اشادى.
كەلەر جىلى حالىقتىڭ ءال-اۋقاتىن ارتتىرۋ ءۇشىن ءبىز بىرلەسىپ كۇش-جىگەر جۇمسايتىن بولامىز.
ءبىز بۇعان حالىقتىڭ بىرلىگى مەن توپتاسۋىن ساقتاي وتىرىپ, تابىسپەن قول جەتكىزە الامىز.
قۇرمەتتى جەرلەستەر!
جاڭا جىلدا سىزدەردىڭ ومىرلەرىڭىزدە قىزىقتى وقيعالار مەن باقىتتى ساتتەر مول بولسىن!
وتباسىلارىڭىزدا تاتۋلىق پەن ءوزارا تۇسىنىستىك ورناپ, كوڭىل كوگىندەگى ارماندار مەن ىزگى ۇمىتتەر ورىندالسىن!
قولعا العان ىستەرىڭىز ءساتتى بولىپ, باستامالارىڭىز تابىس پەن قۋانىش اكەلسىن!
قازاقستان حالقى اسسامبلەياسى
