ەسكەرتكىشتى كسرو حالىق ءارتيسى, قازاقستاننىڭ ەڭبەك ەرى ءاسانالى ءاشىموۆ, قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى ەسمۇحان وباەۆ, قازاقستان رەسپۋبليكاسىنىڭ حالىق ءارتيسى تۇڭعىشباي جامانقۇلوۆ سالتاناتتى جاعدايدا اشىپ, ءاسانالى ءاشىموۆ ونەردەگى ۇستازى تۋرالى تەبىرەنە ەستەلىكتەر ايتتى.
سونىمەن قاتار قازاقستان رەسپۋبليكاسى مادەنيەت جانە سپورت ءمينيسترى اقتوتى رايىمقۇلوۆا, جامبىل وبلىسىنىڭ اكىمى اسقار مىرزاحمەتوۆ, ءاسانالى ءاشىموۆ جانە وزگە دە ازاماتتار اسقار توقپانوۆ ەسكەرتكىشىنە گۇل شوقتارىن قويدى. بۇدان كەيىن تەاتردا اسقار توقپانوۆتىڭ ءومىر جانە ونەر جولىنان سىر شەرتەتىن «توقپانوۆ تاعىلىمى» اتتى كىتاپتىڭ تۇساۋى كەسىلدى.
