قالا اكىمىنىڭ ءشىرشاسىنا بىرىنشى جانە توعىزىنشى سىنىپ وقۋشىلارى, ونىڭ ىشىندە جەتىم جانە مۇمكىندىگى شەكتەۋلى بالالار, از قامتىلعان جانە كوپبالالى وتباسىلاردىڭ بالالارى شاقىرىلدى. ءار بالاعا سىيلىقتار بەرىلدى.
«بۇگىن سەندەردىڭ ءوز باتىرلارىڭ بار, شىرشا مەرەكەسىنە جاڭا جىلدىق كوستيۋمدەرمەن كەلدىڭدەر جانە مىندەتتى تۇردە ورىندالۋى ءتيىس ىزگى نيەتتەرىڭدى ويلادىڭدار. باستىسى – جاقسى وقۋ جانە بىلىمگە ۇمتىلۋ, تەرەڭ ءبىلىمنىڭ ارقاسىندا عانا بايتاق ەلىمىزدىڭ لايىقتى ازاماتتارى رەتىندە سۇيىكتى قالامىزدىڭ دامۋىنا ءوز ۇلەستەرىڭدى قوساتىن بولاسىڭدار», - دەدى الماتى اكىمى باقىتجان ساعىنتاەۆ.
اياز اتا, اقشاقار مەن بىرگە الداركوسە, تازشا بالا جانە «مۇزدى دجەك» مۋلتفيلمىندەگىلەرجاڭا جىلدىق قويىلىمنىڭ كەيىپكەرلەرىنە اينالدى. جاڭا جىلدىق كورسەتىلىمگە «سەنىم» ۆوكالدى-حور ستۋدياسى, «نەپوسەدى», «ناز», «اسپان», «ەركەناز» بي ۇجىمدارى جانە «Diamond» شوۋ-بالەتى قاتىستى.
