كەز كەلگەن ز ۇلىمدىق پەن ادىلەتسىزدىكتى ۋشىقتىرماي ءبىر عانا قارا قىلدى قاق جارار سالماقتى سوزبەن باسىپ وتىرعان. قازاق حالقىنىڭ دانالىعى دا, دارالىعى دا وسىندا.
وكىنىشتىسى سول, زاماننىڭ زۇلمات كوشىنە ءبىراۋىزدان توتەپ بەرە الماي, بايگەدەن ەسەك وزىپ, قارا سوزدەن وسەك وزعان بۇل قوعام تۇبەگەيلى وزگەرىپ كەتتى. ادام بالاسى ۇساقتالىپ, ۇلتتىق مۇددە, ۇلتتىق قۇندىلىق دەگەن ۇلى ۇعىمدار ءوز ءمانىن جوعالتقانداي. ادامدى ادام ەتەتىن باستى قاسيەت – «سانا» سەزىمى ءبىرشاما بۇعاتتالدى. وسى سانانىڭ سايازدىعىنان دا ادالدىقتى الاۋىزدىق, ادىلدىكتى الاياقتىق الماستىرىپ, ۇرلاۋ, جىمقىرۋ دەگەن قۇبىلىستار ۇلتىمىزدى ارتقا تارتىپ وتىر. ادامعا جاقسىلىق جاساۋ جانىنا جات, جاماندىققا كەلگەندە جانىپ تۇسەتىن جەمقور, پاراقور, ساناسىز سوتقارلاردىڭ سيرەمەي جاتقانى دا وسى سەبەپتەن.
دەگەنمەن, ارسىزدىق, ساناسىزدىقتى تۇبەگەيلى جويماساق تا, ونى بولدىرماۋعا, الدىن الۋ جولىندا ەگەمەن ەلىمىزدە بارلىق جاعداي جاسالعان. مەملەكەتىمىزدىڭ باستى مەجەسى دە, وسى ساناسىزدىقتىڭ سالدارى بولىپ تابىلاتىن جەمقورلىق ۇعىمىن جويىپ, ادىلەتتى قوعام رەتىندە دامىعان ەلدەردىڭ كوشىن باستاۋ. ال ادىلەتتى قوعام بولۋ ءۇشىن, ونىڭ ءاربىر مۇشەسىنىڭ كوكىرەك كوزى اشىق, جاقسىلىققا قۇشتار, جانى ىزگى بولۋعا ءتيىس. بۇعان قاتىستى ۇلى دانامىز اباي: «اتىمدى ادام قويعان سوڭ, قايتىپ نادان بولايىن», دەپ كەسىپ ايتىپ كەتكەن. سونداي-اق الەۋمەتتىك جاعدايدىڭ جاقسارۋى, ادىلەتتىڭ ورناۋى – ادامداردىڭ ۇياتىنا, ادىلدىگىنە, مەيىرباندىعىنا, ار تازالىعىنا بايلانىستى بولماق.
حالقىمىز ەندىگى كەزەكتە بابا مۇراتىن ساقتاپ, ماڭگىلىك ەل بولۋعا ۇمتىلۋى مىندەت. ءوز كەزەگىندە ماڭگىلىك ەل بولۋعا پاراقورلىق ىسپەتتى ىندەت كەدەرگى بولارى ايدان انىق. ارينە, ەشبىر مەملەكەت جەمقورلىقتى ءتۇپ-تامىرىمەن جويا الماعان, الايدا, وعان ىقپال ەتەر سەبەپ-سالداردىڭ الدىن الۋ كەز كەلگەن ەلدىڭ, كەز كەلگەن قوعامنىڭ قولىنان كەلەدى دەپ ويلايمىن.
وسى ورايدا, سىبايلاس جەمقورلىققا قارسى ءىس-قيمىل اگەنتتىگىنىڭ باستاۋىمەن ىسكە قوسىلعان «ادالدىق الاڭى» اتتى ۇلكەن جوبا جۇزەگە اسىرىلۋدا. جوبانىڭ باستى مىندەتى – «تۇرمىستىق» جەمقورلىقتى جويىپ, قاراپايىم حالىقتىڭ الاڭسىز ءومىر سۇرۋىنە قولايلى جاعداي جاساۋ. جوبا اياسىندا, ەلىمىزدىڭ بارلىق سالاسىندا بىرقاتار ءىس-شارا اتقارىلىپ, ازعانتاي ۋاقىت ىشىندە حالىق اراسىندا وڭ باعاسىن الىپ ۇلگەردى.
«ادالدىق الاڭى» جوباسىنىڭ ءبىر ەرەكشەلىگى, ەلىمىزدەگى جاڭا ءىلىم, جاڭا ۇعىم, باسقارۋدىڭ جاڭا قۇرالى «جوبالىق مەنەدجمەنت» سالاسىنىڭ قولدانىلۋىندا. ياعني, بەلگىلەنگەن مەرزىم ىشىندە, كوزدەگەن ماقساتقا قول جەتكىزۋ. ال ماقسات انىق, باعدار ايقىن, ول جەمقورلىقتىڭ الدىن الىپ, سانانى وزگەرتۋ, وياتۋ. جوبا ەڭ الدىمەن, ادامنىڭ ساناسىنا ساۋلە ءتۇسىرىپ, ادامدى, قوعامدى تۇزەتۋگە باعىتتالعان. سوندىقتان, ادالدىق, ادىلدىك جولىنداعى باستى قۇندىلىعىمىز – قوعام, ال قوعامدى وزگەرتەر كۇش – ءبىلىم مەن ادال ەڭبەك.
دەمەك, ەڭبەككە نەمقۇرايلى قاراۋشىلىققا, جالقاۋلىققا, قوعامدى جۇتاتىپ, توقىراۋشىلىققا ۇشىراتاتىن الەۋمەتتىك جۇدەۋلىككە اكەلىپ سوقتىراتىن الاياقتىق پەن جەمقورلىققا قارسى ءبىر اعزاداي قوعام بولىپ توتەپ بەرۋ اۋاداي قاجەت-اق. «ەڭبەك جوق, قارەكەت جوق, قازاق كەدەي, تاماق اڭدىپ قايتەدى تەنتىرەمەي» زامانىنا قايتا ورالماس ءۇشىن الاۋىزدىق پەن ادىلەتسىزدىككە ۇيىتقى بولعان جەمقورلىق ز ۇلىمدىعىنا قارسى بىرلەسىپ ارەكەت ەتەيىك. تەگىندە اقىل, عىلىم, مىنەز, ار, ادالدىق سىندى قۇندىلىقتارعا يە ادام عانا قوعام كوشىن باستايدى.
دەنيس شاكەنوۆ,
سىبايلاس جەمقورلىققا قارسى ءىس-قيمىل اگەنتتىگى قاراعاندى وبلىسى بويىنشا دەپارتامەنتىنىڭ باسشىسى
قاراعاندى
