اففيناج زاۋىتى قۇرىلىسىنىڭ جوباسى قازاقستان رەسپۋبليكاسى ۇكىمەتىنىڭ قاۋلىسىنا سايكەس 2010-2014 جىلدارعا ارنالعان رەسپۋبليكالىق يندۋستريالاندىرۋ كارتاسىنا ەنگىزىلگەن بولاتىن. جوبا تۇڭعىش پرەزيدەنت – ەلباسى ن.ءا.نازارباەۆتىڭ تاپسىرماسىنا سايكەس جۇزەگە استى.
زاۋىت تەحنولوگياسى تمد اۋماعىندا بالاماسى جوق ءارى جىلىنا 25 توننا التىن مەن 50 توننا كۇمىس وندىرەتىن الەمنىڭ وزىق وندىرۋشىلەرىنەن كەم تۇسپەيتىن اسىل مەتالداردى باسقا مەتالداردىڭ قوسپاسىنان ايىرۋدىڭ حالىقارالىق يننوۆاتسيالىق ادىستەمەسىنە سايكەس ازىرلەندى.
زاۋىتتىڭ ەلوردادا ورنالاسقاندىعىن ەسكەرە وتىرىپ, اففيناج تەحنولوگياسىن تاڭداۋ كەزىندە پايدالانىلاتىن ۇدەرىستەردىڭ تازالىعىنا ءمان بەرۋ نەگىزگى ولشەمدەردىڭ ءبىرى بولدى. وسىعان سايكەس, تەحنولوگيالىق ۇدەرىستە پايدالانىلاتىن جابدىقپەن ۇيلەستىرۋدە اسىل مەتالداردى قوسپالاردان ايىرۋدىڭ ەلەكتروحيميالىق ءادىسى تەحنولوگياسى تاڭدالدى جانە ەكولوگيالىق قاۋىپسىزدىك پەن وندىرىلەتىن ءونىمنىڭ ساپاسى 100,0% قامتاماسىز ەتىلەتىن بولادى.
سەناتورلار حالىقارالىق ىنتىماقتاستىق, ءونىمدى ساتىپ الۋ جانە ونى قايتا ساتۋ ماسەلەلەرىنە قاتىستى ساۋالدار قويدى.
كومپانيا باسشىلىعى وندىرىلەتىن ءونىمدى ساتۋعا بايلانىستى قيىندىقتار بار ەكەنىن العا تارتتى.
