بولات باقاۋوۆ «پاۆلودار» ارنايى ەكونوميكالىق ايماعىنداعى بىرقاتار كاسىپورىنداردى ارالاپ, 2019 جىلدىڭ قورىتىندىسىنا ارنالعان جيىنعا قاتىستى. ايماق باسشىسى «سەۆەرحيم» جشس, «اسكور» جشس, «ەرتىسنەفتەسەرۆيس» جشس, «ۆەكتور – پاۆلودار» جشس, «روسدوركوم» جشس, «رتف پۆل» جشس قولعا العان جوبالاردىڭ بارىسىمەن تانىستى.
«پاۆلودار» ارنايى ەكونوميكالىق ايماعى باسقارۋشى كومپانياسىنىڭ باسقارما توراعاسى الىبەك نەسىپبەكوۆتىڭ سوزىنشە, بيىل ارنايى ايماقتاعى كاسىپورىندار 43,4 ملرد تەڭگەنىڭ ءونىمىن وندىرگەن. كورسەتكىش 2018 جىلمەن سالىستىرعاندا 1,6 ەسە جوعارى. وتكەن جىلى مۇنداعى كاسىپورىندار 27 ملرد تەڭگەنىڭ ءونىمىن شىعارعان ەدى.
– بيىل 16 ملرد تەڭگەنىڭ ءونىمى ەكسپورتتالدى. بىلتىرعى جىلمەن سالىستىرعاندا كورسەتكىش 1,3 ەسە جوعارى. سالىقتىق تۇسىمدەر دە 1,4 ەسە ارتتى. مۇنداعى كاسىپورىندار 2019 جىلى قازىناعا 2,2 ملرد تەڭگە كولەمىندە سالىق تولەدى. مەملەكەتتىڭ 1 تەڭگەسىنە 12,5 تەڭگە جەكە ينۆەستيتسيا تارتىلعانىن دا اتاپ وتكەن ابزال, – دەدى الىبەك نەسىپبەكوۆ.
ەسكە سالا كەتەيىك, بۇگىندە «پاۆلودار» ارنايى ەكونوميكالىق ايماعىندا 283 ملرد تەڭگەگە بارلىعى 38 جوبا جۇزەگە اسىرىلىپ جاتىر. ونىڭ 10-ى ناقتى جۇمىس ىستەپ تۇر. 10 جوبانىڭ قۇرىلىسى ءجۇرىپ جاتىر. كەلەر جىلى 7 جوبانىڭ قۇرىلىس-مونتاج جۇمىستارى باستالادى. تاعى 11 جوبا پىسىقتالىپ جاتىر.
– جۇمىس ىستەپ تۇرعان 10 جوباعا 76 ملرد تەڭگە ينۆەستيتسيا سالىندى. ونىڭ 24 پايىزى نەمەسە 18 ملرد تەڭگەسى – شەتەلدىك ينۆەستيتسيا. 1670 جۇمىس ورنى اشىلدى. وتكەن جىلمەن سالىستىرعاندا جۇمىس ورىندارىنىڭ سانى 220 بىرلىككە كوبەيدى, – دەدى الىبەك نەسىپبەكوۆ.
ونىڭ ايتۋىنشا, كەلەر جىلى 10 جوبا پايدالانۋعا بەرىلمەك.
«پاۆلودار» ارنايى ەكونوميكالىق ايماعى 1200 گەكتار جەردى الىپ جاتىر. بۇگىندە ونىڭ تەك 360 گەكتارى پايدالانىلعان.
بولات باقاۋوۆ «پاۆلودار» ارنايى ەكونوميكالىق ايماعىنداعى جۇمىستاردى ودان ءارى جانداندىرۋدى تاپسىردى. سونداي-اق سانعا ەمەس, ساپاعا ەرەكشە ءمان بەرۋ كەرەكتىگىن ەسكەرتتى.
