«تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭ جوباسىنىڭ ماقساتىتاريحي-مادەني مۇرا وبەكتىلەرىن قورعاۋ جانە پايدالانۋ, عىلىمي-رەستاۆراتسيالىق جانە ارحەولوگيالىق قىزمەت سالاسىنداعى قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋ بولىپ تابىلادى.
زاڭ جوباسىندا تاريحي-مادەني مۇرا وبەكتىلەرىن قورعاۋ, زەردەلەۋ, ساقتاۋ, پايدالانۋ جانە كەڭىنەن تانىمال ەتۋ سالاسىنداعى قوعامدىق قاتىناستاردى مەملەكەتتىك رەتتەۋ جۇيەسىن قالىپتاستىرۋ, تاريحي جانە مادەني وبەكتىلەردءى انىقتاۋ, ەسەپكە الۋ, تاريحي-مادەني ساراپتاما جۇرگىزۋ كوزدەلگەن.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوباسى تاريحي-مادەني مۇرا وبەكتىلەرىن قورعاۋ جانە پايدالانۋ سالاسىنداعى زاڭنامالىق بازانى جەتىلدىرۋءدى كوزدەءيدى.
زاڭ جوباسىمەن ەلىمىزدىڭ 5 كودەكسى مەن 7 زاڭىنا وزگەرىستەر مەن تولىقتىرۋلار ەنگىزىلەدى.
سەناتور دينار نوكەتاەۆا زاڭ جوبالارىن تانىستىرا كەلىپ, ونداعى باستى جاڭالىقتار تۋرالى حاباردار ەتتى:
- تاريحي جانە مادەني ەسكەرتكىشتەردە عىلىمي-رەستاۆراتسيالاۋ جۇمىستارىن جۇرگىزۋ شارتتارىن, سونداي-اق ەسكەرتكىشتەردىڭ باستاپقى كەلبەتىن, تاريحي جانە مادەني ماڭىزدىلىعىن جوعالتپاۋىنا جانە ولاردىڭ بۇزىلۋىنا جول بەرمەۋ ماقساتىندا تاريحي-مادەني مۇرا وبەكتىلەرىندە ارحەولوگيالىق جۇمىستاردى جۇزەگە اسىرۋ شارتتارىن بۇزعانى ءۇشىن اكىمشىلىك جاۋاپكەرشىلىك ەنگىزۋ;
- تاريح جانە مادەنيەت ەسكەرتكىشتەرىن قورعاۋ, قۇرىلىس سالۋدى رەتتەۋ ايماقتارىنىڭ جانە قورعالاتىن تابيعي لاندشافت ايماقتارىنىڭ شەكارالارىن بەكىتۋ جونىندەگى شەكارانى انىقتاۋعا بايلانىستى مىندەتتەرىن اكىمشىلىك راسىمدەردى رەتتەۋ تەتىگىنىڭ تيىمدىلىگىن قامتاماسىز ەتۋ ماقساتىندا وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنا بەرۋ;
- ارحەولوگيالىق, ساۋلەت, قالا قۇرىلىسى جانە تاريح پەن مادەنيەتتىڭ باسقا دا ەسكەرتكىشتەرىن قورعاۋدى قامتاماسىز ەتۋگە باعىتتالعان شارالاردى جۇزەگە اسىرۋ ءتارتىبى بەكىتىلەدى.
