كونكۋرستىڭ ناتيجەسى بويىنشا سولتۇستىكقازاقستاندىق پەداگوگتار 14 جۇلدەلى ورىندى, ونىڭ ىشىندە, 5 – ءبىرىنشى, 3 - ەكىنشى, 6 - ءۇشىنشى ورىندى يەلەندى. بايقاۋعا بارلىق دەڭگەيدەگى ءبىلىم بەرۋ ۇجىمدارى: مەكتەپكە دەيىنگى ءبىلىم بەرۋ ۇيىمدارىنىڭ پەداگوگتارى, جالپى ءبىلىم بەرەتىن مەكتەپتەردىڭ مۇعالىمدەرى, قوسىمشا ءبىلىم بەرۋ مەكەمەلەرىنىڭ ۇستازدارى, م. قوزىباەۆ اتىنداعى سقمۋ-ءنىڭ پروفەسسور-وقىتۋشىلارى قاتىسىپ, ءوز باقتارىن سىنادى.
سالتاناتتى ماراپاتتاۋ راسىمىنە «اتامەكەن» كاسىپكەر پالاتاسىنىڭ, ءبىلىم بەرۋ سالاسىنداعى ادىستەمەلىك جۇمىس جانە اقپاراتتىق تەحنولوگيالار ورتالىعىنىڭ, قازاقستاندىق ءبىلىم جانە عىلىم قىزمەتكەرلەرىنىڭ كاسىپتىك وداعىنىڭ, ء«بىلىم» پارتيالىق ۇيىمىنىڭ وكىلدەرى قاتىستى.
جيىننىڭ اشىلۋىندا ءسوز العان فيليال ديرەكتورى, پەداگوگيكا عىلىمدارىنىڭ دوكتورى, پروفەسسور الما مۋرزالينوۆا كونكۋرستىڭ ماڭىزدىلىعى مەن وزەكتىلىگىن ەرەكشە اتاپ ءوتتى.
بايقاۋدىڭ 66 قاتىسۋشىسىنا «ورلەۋ» بىلىكتىلىكتى ارتتىرۋ ورتالىعى» ينستيتۋتىنىڭ العىس حاتتارى تابىس ەتىلدى. ءبىر توپ مۇعالىم «وزەكتى وقىتۋ», «ۇزدىك تەحنولوگيالىق شەشىم», «ۇزدىك كرەاتيۆتى-پەداگوگيكالىق شەشىم», ء«بىلىم الۋشىلار جانە تاريبيەلەنۋشىلەرمەن ۇزدىك پەداگوگيكالىق ىنتىماقتاستىق», «پەداگوگيكالىق تاجىريبەدە «رۋحاني جاڭعىرۋ» يدەياسىن ۇزدىك جۇزەگە اسىرۋ», «پەداگوگيكالىق ماماندىققا ادالدىق جانە پەداگوگ مارتەبەسىن ارتتىرۋعا ىقپال ەتۋ», تاعى باسقا اتالىمدار بويىنشا ديپلومدارمەن ماراپاتتالدى.
اينۇر قايسەنوۆا «باستاۋىش سىنىپ», نۇرگۇل يسيمباەۆا «قازاق ءتىلى مەن ادەبيەتى», الەكسەي كوسوبوكوۆ «بيولوگيا» باعىتتارى بويىنشا ءبىرىنشى ورىندى جەڭىپ الدى.
