ديماش بيبىگۇل تولەگەنوۆانى مەرەيتويىمەن قۇتتىقتادى

رۋحانيات • 17 جەلتوقسان، 2019

ديماش بيبىگۇل تولەگەنوۆانى مەرەيتويىمەن قۇتتىقتادى

139 رەت كورسەتىلدى

تانىمال ءانشى ديماش قۇدايبەرگەن قازاقتىڭ بۇلب ۇلى بيبىگۇل تولەگەنوۆانى 90 جاس مەرەيتويىمەن قۇتتىقتادى.

«اسا قۇرمەتتى بيبىگۇل احمەتقىزى تولەگەنوۆا! ءسىزدى وسىناۋ 90 جىلدىق مەرەيتويىڭىزبەن قۇتتىقتايمىن! ءالى ەسىمدە 2015 جىلى «سلاۆيان بازارىنا» بارعالى جاتقاندا انالىق اق باتاڭىزدى بەرىپ تىلەۋىمدى تىلەدىڭىز. قىتاي ەلىندە دە جارىستا جۇرگەن كەزىمدە جولداعان باتاڭىز ءالى ەسىمدە. قازاق ءان ونەرىنىڭ – اناسى ەكەنىڭىز ءسوزسىز. بيبىگۇل اپا، سىزگە، مىقتى دەنساۋلىق، ۇزاق عۇمىر، 100 جىلدىعىڭىزدى دۇركىرەتىپ اتاپ وتەيىك! ءسىزدىڭ كۇش جىگەرىڭىز، ەڭبەك ەتكەن جولدارىڭىز بارلىعى بىزگە بولاشاققا اپارار ۇلكەن بەلەس» دەپ جازدى ءانشى Instagram-داعى پاراقشاسىندا.

بۇعان دەيىن الماتىداعى كيەلى ونەر شاڭىراعى، اباي اتىنداعى وپەرا جانە بالەت تەاترىندا بيبىگۇل تولەگەنوۆانىڭ 90 جىلدىق مەرەيتويىنا وراي مەرەكەلىك كونتسەرت ۇيىمداستىرىلاتىنىن حابارلاعان بولاتىنبىز.
بۇلبۇل ءانشىنىڭ قۇرمەتىنە يتالياندىق ءانشى دجۋزەپپە ۆەرديدىڭ «تراۆياتا» اتتى اتاقتى وپەراسى قويىلدى.

ونداعى باس پارتيانى ونەر يەسىنىڭ ۆوكاليستەر بايقاۋىندا باس جۇلدەگە يە بولعان وپەرا ءانشىسى الفيا كاريموۆا ورىندادى. بيبىگۇل تولەگەنوۆانى قۇتتىقتاۋعا كوپتەگەن وتاندىق ەسترادا جۇلدىزدارى مەن حالىق ءارتىسىنىڭ ەرەكشە تالانتىنا باس يەتىن ونەر سۇيەر قاۋىم كەلدى.

«قازاق ەلى ءۇشىن كەرەمەت مەرەكە - تاۋەلسىزدىگىمىزدى العانىمىزعا 28 جىل بولدى. قوس مەرەكە - ەگەمەندىگىمىز بەن بيبىگۇل احمەتقىزىنىڭ 90 جىلدىق مەرەيتويى قاتار تويلانايىن دەپ تۇر. ول دا ۇلكەن قۋانىش. ەڭ باستىسى، بۇكىل قازاق ەلى ءۇشىن ەگەمەندىگىمىزدى قولعا الىپ جاتىرمىز. ەگەمەندىگىمىز ماڭگىلىككە اينالسىن دەگىم كەلەدى، ەل تۇعىرى بيىك بولسىن. كوك بايراعىمىز جەلبىرەي بەرسىن!»، - دەدى قر ەڭبەك سىڭىرگەن قايراتكەرى، ەسترادا جانە وپەرا ءانشىسى تولقىن زابيروۆا.

قازاقتىڭ بۇلبۇل ءانشىسىنىڭ قۇرمەتىنە ۇيىمداستىرىلعان مەرەكەلىك شارالار «رۋحاني جاڭعىرۋ» باعدارلاماسى شەڭبەرىندە ءوتىپ جاتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز