ال بۇعان دەيىن جازۋشى, اقىن, بەلگىلى قوعام قايراتكەرى ولجاس سۇلەيمەنوۆ الماتى قالاسىنىڭ اتاۋىن وزگەرتۋ قاجەتتىگى جايىندا باستاما كوتەرگەن بولاتىن. ول العاشقىلاردىڭ ءبىرى بولىپ پەتيتسياعا قول قويۋعا دايىن ەكەندىگىن مالىمدەگەن ەدى.
بۇل ماسەلەگە قاتىستى قالا اكىمى باقىتجان ساعىنتاەۆ الەۋمەتتىك جەلىدە «قازىرگى ۋاقىتتا ءبىز قالا ءۇشىن پرەزيدەنت قاسىم-جومارت توقاەۆتىڭ العا قويعان كەشەندى مىندەتتەرىن شەشۋ جولىندا جۇمىس ىستەپ جاتىرمىز. جاقىندا قابىلدانعان «الماتى 2050» ستراتەگياسىن, قىسقا جانە ورتا مەرزىمدى جوسپارلاردى ىسكە اسىرۋ بويىنشا جۇمىستاردى جۇرگىزۋدەمىز», دەپ جازعان.
الماتى قالاسىنىڭ بۇرىنعى اتاۋىن قايتارۋ ماسەلەسىن وتانداستارىمىز اراسىندا ءجيى قوزعالاتىن تاقىرىپقا اينالعان كورىنەدى. مۇنداي باستامانى كوتەرەتىندەر قالانىڭ ەسكى اتاۋىن المانىڭ سيرەك ءتۇرى - اپورتتىڭ پايدا بولۋ تاريحىمەن تۇسىندىرەدى. ال شاھار اتاۋىن وزگەرتۋگە قارسى بولاتىندار بۇل ءۇشىن بيۋدجەتتەن قوسىمشا شىعىن كەتەتىنىن العا تارتادى.
