اكەسi ورتا داۋلەتتi شارۋا ادامى بولعان كورiنەدi. مولداعالي اۋىل مولداسىنان ساۋات اشىپ, قاراسۋداعى ورىس-قازاق مەكتەبiن ۇزدiك بiتiرiپ شىعادى. 1910 جىلى ورىنبور ورىس-قازاق مۇعالiمدەر مەكتەبiن ءتامامدايدى. 1910-1918 جىلدارى قوعامدىق جۇمىستارعا دا بەلسەنە ارالاسادى. “ايقاپ” جۋرنالىنا, “قازاق” گازەتiنە ەڭبەكشi حالىقتىڭ مۇڭ-مۇددەسiن كوزدەيتiن ماقالالارى جارىق كورiپ تۇردى. ورال وبلىسىنداعى قازاق سەزiن ۇيىمداستىرۋشىلاردىڭ بiرi بولدى. وسى باسقوسۋدا اۋىل مۇعالiمدەرi توبىنىڭ بەيرەسمي جەتەكشiلiگiنە سايلاندى. مۇنان كەيiن وبلىس قازاقتارىنىڭ قاراتوبەدە وتكەن سەزiنە دەلەگات بولىپ قاتىستى. “اق جول” ساياسي ۇيىمىنا كiردi.
ازامات سوعىسى باستالعان كەزدە اۋىلدا بولدى. 1919 جىلى ورال قالاسىنا كەلiپ, رك(ب)پ قاتارىنا وتۋگە ءوتiنiش بەردi. 1920 جىلى جىمپيتى ۋەزدiك رەۆكومىنىڭ ۋاقىتشا قۇرامىنا توراعالىق ەتتi. سول جىلعى قازان ايىندا ورال وبلىسى دەلەگاتسياسىنىڭ تiزiمiمەن قاكسر واك مۇشەلiگiنە كانديدات بوپ بەكiتiلدi. 1921 جىلدىڭ كوكتەمiنەن باستاپ رك(ب)پ جىمپيتى ۋەزدiك كوميتەتiنiڭ توراعاسى, 1921-1922 جىلدارى ورال گۋبەرنيالىق اتقارۋ كوميتەتi توراعاسىنىڭ ورىنباسارى بولىپ iستەدi.
م.جولدىباەۆ مۇنان كەيiن ورىنبورعا قىزمەتكە شاقىرىلىپ, قاكسر حالىق اعارتۋ كوميسسارياتىنىڭ عىلىم, ءباسپاسوز جانە ادەبيەت iسiن باسقاراتىن اكادەميالىق ورتالىعىنىڭ (قازاقستان بiلiم ورداسى) توراعاسى بولىپ تاعايىندالادى. رك(ب)پ قازاق ولكەلiك كوميتەتiنiڭ ءباسپاسوز ورگانى – “ەڭبەكشi قازاق” گازەتiن قازاق ادەبيەتiنiڭ بەلدi دە بەدەلدi جازۋشىلارى بەيiمبەت مايلين مەن ساكەن سەيفۋللين كەزەك-كەزەك باسقارىپ تۇرعان 20- جىلداردىڭ ورتاسىنا تامان جاۋاپتى رەداكتورلىققا كەلەدi. ءسويتiپ ول قالامى ۇشقىر جۋرناليست رەتiندە تانىلدى, بەلسەندi گازەت اۆتورلارى توبىن تاربيەلەدi. ولاردىڭ اراسىنان كەيiن ت.جۇرگەنوۆ سەكiلدi مەملەكەت قايراتكەرi, س.مۇقانوۆ, ە.الدوڭعاروۆ سياقتى تانىمال قالامگەرلەر شىقتى.
م.جولدىباەۆ 1927 جىلدان باستاپ شىعا باستاعان ۇلتتىق پەداگوگيكالىق ارناۋلى باسىلىم – “جاڭا مەكتەپ” (“قازاقستان مەكتەبi”) جۋرنالىنىڭ العاشقى رەداكتورى. 1933-1937 جىلدارى بك(ب)پ وك جانىنداعى ماركسيزم-لەنينيزم ينستيتۋتى قازاق فيليالىنىڭ قىزمەتكەرi. وسى جەردە جۇرگەندە بۇرىنعى الاش قوزعالىسىنا قاتىسقانى ءۇشiن “حالىق جاۋى” دەگەن ايىپپەن تۇتقىنعا الىنىپ, 1938 جىلعى اقپان ايىندا اتىلدى.
