پارلامەنت • 16 جەلتوقسان، 2019

مەملەكەتتىك ناگرادالار تاپسىردى

16 رەتكورسەتىلدى

قازاقستان رەسپۋبليكاسى پارلامەنتى سەناتىنىڭ توراعاسى داريعا نازار­باەۆا سەنات دەپۋتات­تارى مەن اپپارات قىزمەت­كەرلەرىنە مەملەكەتتىك ماراپاتتاردى تابىس ەتتى.

قازاقستان پرەزيدەنتىنىڭ جارلىعىمەن مەملەكەتكە سىڭىرگەن ەڭبەگى ءۇشىن پارلامەنت سەناتىنىڭ دەپۋتاتى تولەۋبەك مۇقاشەۆ ءىىى دارەجەلى «بارىس» وردەنىمەن ماراپاتتالدى. سەنات دەپۋتاتتارى مۇرات باقتيار ۇلى، عۇمار دۇيسەمباەۆ، ماناپ كوبەنوۆ، مارات تاعىموۆ جانە سەنات اپپاراتىنىڭ باسشىسى سەرىك سىدىقوۆتىڭ ەڭبەكتەرىنە وراي «پاراسات» وردەنى بەرىلدى.

پارلامەنتارالىق اسسامبلەيا قىزمەتىنە بەلسەندى قاتىسقانى ءۇشىن تمد پارلامەنتارالىق اسسامبلەياسىنىڭ قاۋلىسىمەن سەناتورلار ۆلاديمير ۆولكوۆ پەن ەربولات مۇقاەۆ «دوستاستىق» وردەنىمەن ماراپاتتالدى. سەنات دەپۋتاتتارى سەرىك بەكتۇرعانوۆ پەن ءالىمجان قۇرتاەۆقا «پارلامەنتتىك ىنتىماقتاستىقتى نىعايتقانى ءۇشىن» مەدالى، داۋرەن ادىلبەكوۆ، نۇرلان بەكنازاروۆ، ابدالى نۇراليەۆ، نۇرجان نۇرسيپاتوۆقا قۇرمەت گراموتالارى بەرىلدى.

نۇرلان بەكنازاروۆ، بەكمىرزا ەلامانوۆ، ماناپ كوبەنوۆ، باقتىباي شەلپەكوۆ، دينار نوكەتاەۆا، رىسقالي ابدىكەروۆ پەن ميحايل بورتنيككە پارلامەنت سەناتى توراعاسىنىڭ العىس حاتتارى مەن Nur Otan پارتياسىنىڭ «بەلسەندى قىزمەتى ءۇشىن» توسبەلگىلەرى تابىس ەتىلدى، دەپ حابارلادى پارلامەنت سەناتىنىڭ ءباسپاسوز قىزمەتى.

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار