سىيلىقاقىلار ۇەۇ-دىڭ دامۋىنا جانە الەۋەتىن, ماتەريالدىق جانە كادرلىق رەسۋرستارىن نىعايتۋعا, قوعامدىق پايدالى جوبالاردى ىسكە اسىرۋدا موتيۆاتسيانى ارتتىرۋ ءۇشىن ناقتى مۇمكىندىك. سىياقىلار 2017 جىلدان باستاپ ۇەۇ-دى ىنتالاندىرۋ تەتىگى رەتىندە بەرىلىپ كەلەدى.
ەلورداداعى «رەديسسون» قوناق ۇيىندە اقپارات جانە قوعامدىق دامۋ ءمينيسترى د.اباەۆتىڭ قاتىسۋىمەن 2019 جىلدىڭ ۇزدىك ۇكىمەتتىك ەمەس ۇيىمدارىنا سىياقى تابىستالدى.
سىيلىقاقى جەڭىمپازدارى قاتارىندا «جاڭعىرۋ» قوعامدىق قورى دا بار. «مادەنيەت پەن ونەردى دامىتۋ» اتالىمى بويىنشا سىياقىنى العان «جاڭعىرۋ» قوعامدىق قورىنىڭ ءتورايىمى دينارا جۇمابايقىزى بۇل ۇەۇ-نىڭ جۇمىسىنا بەرىلگەن باعا ءارى قولداۋ ەكەنىن ايتادى.
«2009 جىلى قۇرىلعان «جاڭعىرۋ» قوعامدىق قورىنىڭ باسىم باعىتى – مادەنيەت پەن ونەردى, رۋحانياتتى دامىتۋ. قوعامدىق الەۋمەتتىك ماڭىزى بار سالانىڭ ءبىرى - قازاق حالقىنىڭ مادەنيەتى مەن ونەرىن ناسيحاتتاۋ ماقساتىنداعى شارالاردى ۇيىمداستىرۋ: ۇلتتىق ونەردى جاڭعىرتۋ, كونە ءداستۇرلى مۋزىكالىق شىعارمالاردى رۋحاني اينالىمعا قوسۋ, ونىڭ بۇگىنگى جاي-كۇيىن زەرتتەۋ مەن قوعام نازارىنا سالۋ. «جاڭعىرۋ» قوعامدىق قورى مادەنيەت پەن ونەردى دامىتۋ ماقساتىندا: ءداستۇرلى ونەردى ناسيحاتتاۋ, اسىل مۇرا - مۋزىكالىق ونەرىمىز بەن ونىڭ بەلگىلى وكىلدەرىن ناسيحاتتاۋ, قازاقستاننىڭ ايماقتارىنىڭ مۋزىكالىق مۇراسىن زەرتتەۋ, سول اسىل مۇرانى ساندىق جۇيەگە كوشىرىپ, سD ديسكىلەر جيناعىنا شىعارۋ سىندى شارالارعا باسىم باعىت بەرۋ, – دەيدى «جاڭعىرۋ» قوعامدىق قورىنىڭ ءتورايىمى دينارا جۇمابايقىزى.
