ماراپاتتالعاندار اراسىندا عىلىم مەن مادەنيەتتى, ەكونوميكا مەن قوعامدىق كەلىسىمدى, ونەر مەن سپورتتى دامىتۋعا ۇلەس قوسقان كوپتەگەن مۇعالىم, مەديتسينا قىزمەتكەرلەرى, قۇرىلىسشىلار, قوعامدىق كولىك جۇرگىزۋشىلەرى بار. ولداردىڭ بارلىعى مەگاپوليستى دامىتۋعا ايتارلىقتاي ۇلەس قوسقان.
«مەن ءۇشىن كيەلى ميسسيانى ورىنداۋ ءارى كورنەكتى مەملەكەت جانە قوعام قايراتكەرلەرىنىڭ, ءبىلىم, مادەنيەت, سپورت, دەنساۋلىق ساقتاۋ ۇزدىكتەرىنىڭ, مەملەكەتتىك قىزمەتكەرلەردىڭ, الەۋمەتتىك قورعاۋ قىزمەتكەرلەرىنىڭ, ازاماتتىق قوعام وكىلدەرىنىڭ, ەنەرگەتيكا, قارجى, قۇرىلىس, تۋريزم جانە بيزنەس سالاسى قىزمەتكەرلەرىنىڭ سىڭىرگەن ەڭبەكتەرىن اتاپ ءوتۋ - ۇلكەن قۇرمەت. ولاردىڭ ارقايسىسى وزدەرىنىڭ كۇندەلىكتى ەڭبەكتەرىمەن قالانىڭ دامۋىنا ۇلەس قوسۋدا, مەملەكەتىمىزدىڭ تاۋەلسىزدىگىن نىعايتۋدا», - دەپ اتاپ ءوتتى الماتى اكىمى باقىتجان ساعىنتاەۆ.
«پاراسات» وردەنىمەن ەڭبەك ارداگەرى, «عىلىم ورداسىنىڭ» عىلىمي قىزمەتكەرى عاينيكەن بيباتىروۆا; ەڭبەك ارداگەرى, قازاق سسر-ءىنىڭ حالىق ءارتيسى لاكي كەسوگلۋ; قازاقستان جازۋشىلار وداعى توراعاسىنىڭ ورىنباسارى مەرەكە قۇلكەنوۆ; ەڭبەك ارداگەرى, قازاقستان پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى كلارا حافيزوۆا ماراپاتتالدى.
«قۇرمەت» وردەنىمەن ماراپاتتالعانداردىڭ اراسىندا «سەنتراس كاپيتال» حولدينگتىك كومپانيا» ديرەكتورلار كەڭەسىنىڭ توراعاسى ەلدار ابدىرازاقوۆ; ق. ي. ساتباەۆ اتىنداعى قازاق ۇلتتىق زەرتتەۋ-تەحنيكالىق ۋنيۆەرسيتەتىنىڭ پروفەسسور-زەرتتەۋشىسى زينەش ابىشەۆا; «ميلوسەرديە» ەرىكتى قوعام» قايىرىمدىلىق قورىنىڭ ديرەكتورى, بالا قۇقىعى جونىندەگى ۋاكىل ارۋجان ساين; رەجيسسەر اقان ساتاەۆ; الماتى قالاسىنىڭ باس يمامى ەركىنبەك شوقاي بار.
ءىىى دارەجەلى «ەڭبەك داڭقى» وردەنىمەن «الماتى كوپىر كونسترۋكتسيالارى زاۋىتى» جشس №3 تسەحىنىڭ ارماتۋرششيگى ۆاسيلي گوربۋن; «الماتىەلەكتروترانس» جشس تروللەيبۋس جۇرگىزۋشىسى العاشباي جارمەدەتوۆ; «الماتىمەتروقۇرىلىس» اق تاۋ دەپارتامەنتىنىڭ ۇڭگۋشىسى ەرەجەپ جاۋكەنوۆ; «الاتاۋ جارىق كومپانياسى» اق جەلىلەردى ءبولۋ باسقارماسىنىڭ اعا شەبەرى الماس وماروۆ; «مەتروپوليتەن» مقك ەلەكتروپوەزىنىڭ ءماشينيسى اندرەي سەكيركين; ەڭبەك ارداگەرى, «الماتىەلەكتروترانس» جشس تروللەيبۋس جۇرگىزۋشىسى اناتولي چەرەنوۆ ماراپاتتالدى.
بۇلاردان وزگە, بىرقاتار الماتىلىقتار «ەرەن ەڭبەگى ءۇشىن» جانە «شاپاعات» مەدالدارىمەن, «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىمەن, قازاقستان رەسپۋبليكاسىنىڭ قۇرمەت گراموتاسىمەن, قازاقستان رەسپۋبليكاسى پرەزيدەنتىنىڭ العىس حاتىمەن اتالىپ ءوتىلدى.
سونىمەن قاتار, الماتى اكىمى باقىتجان ساعىنتاەۆ بەكىتكەن قالانى دامىتۋعا قوسقان ۇلەسى ءۇشىن بەرىلەتىن «ەڭبەگى ءۇشىن» توسبەلگىسىمەن قالانىڭ بىرقاتار قوعام قايراتكەرلەرى ماراپاتتالدى. ولاردىڭ اراسىندا قازاقستاننىڭ مۇگەدەكتەر ۇيىمى وداعىنىڭ توراعاسى ءالي امانباەۆ; №2 قالالىق بوساندىرۋ ءۇيىنىڭ بوساندىرۋ ءبولىمىنىڭ مەڭگەرۋشىسى تامارا شاكيروۆا جانە باسقالارى بار.
ايتا كەتەرلىگى, ءبىر توپ قالالىقتار «قازاقستان ءماسليحاتتارىنا 25 جىل» مەرەكەلىك مەدالىمەن, Nur Otan پارتياسىنىڭ «بەلسەندى قىزمەتى ءۇشىن» توسبەلگىسىمەن ماراپاتتالدى.
ءتۇس اۋا رەسمي شارا رەسپۋبليكا سارايىندا تاۋەلسىزدىك قۇرمەتىنە وتكەن مەرەكەلىك كونتسەرتپەن جالعاستى. قالا تۇرعىندارى مەن قوناقتارىن ايتۋلى مەيراممەن قۇتتىقتاعان قالا اكىمى باقىتجان ساعىنتاەۆ تاۋەلسىزدىك جىلدارىنداعى قول جەتكەن جەتىستىكتەردى جىپكە ءتىزىپ, رەسپۋبليكا ەكونوميكاسىنىڭ نەگىزگى درايۆەرى – وڭتۇستىك مەگاپوليستىڭ دامۋ كورسەتكىشتەرىنە توقتالدى. اتاپ ايتقاندا, تاۋەلسىزدىكتىڭ العاشقى جىلدارىندا الماتىنىڭ جالپى ىشكى ونىمدەگى ۇلەسى 10 پايىز عانا بولسا, بۇگىندە بۇل كورسەتكىش ەكى ەسەگە ارتتى. قازىر الماتى ەل ەكونوميكاسىنىڭ بەستەن ءبىر بولىگىن قۇرايدى.
كونتسەرتكە باقىتجان ساعىنتاەۆ باستاعان قالا اكتيۆى قاتىستى.
قالا اكىمى باقىتجان ساعىنتاەۆ الماتىلىقتاردى تاۋەلسىزدىك كۇنىمەن قۇتتىقتادى.
مەملەكەتتىك سىيلىقتىڭ لاۋرەاتى, ءانشى مايرا مۇحامەدقىزى, ءانشى زارينا التىنبەكوۆا, ەركە ەسماحان اننەن شاشۋ شاشتى.
الماتى
.
