قالامىزدىڭ 8 اۋدانىنان ىرىكتەۋدەن وتكەن 21 قاتىسۋشى بايقاۋدىڭ قالالىق كەزەڭىندە وزدەرىن ءار قىرلارىنان تانىتقان.
ايتا كەتەلىك, وسكەلەڭ ۇرپاقتى تاربيەلەۋدە ماڭىزى زور بۇل بايقاۋ پرەزيدەنت قاسىم-جومارت كەمەل ۇلىنىڭ ء«بىلىم جانە عىلىم» كونفەرەنتسياسىندا كوتەرگەن ماسەلەلەردى قولداۋ باعىتىندا, مۇعالىم مارتەبەسىن كوتەرۋ ماقساتىندا الماتى قالاسى اكىمدىگىنىڭ قولداۋىمەن جانە الماتى قالاسىنىڭ ءماسليحات دەپۋتاتى مۇرات ءادىلحانوۆتىڭ دەمەۋشىلىگىمەن ءوتتى.
ء«ار اۋداننان قالاعا جەڭىمپازدار جينالىپ, ونىڭ ىشىندە مىنە 20-دان استام قاتىسۋشى ىرىكتەرىلىپ وتىر. وسىعان وراي, مەن بۇگىن جەڭىمپازداردىڭ بارلىعىن قۇتتىقتايمىن. ەندى وسى 20 ۇستازدىڭ ءوزى جاستارعا قانشا ۇلگى بولادى», - دەدى الماتى قالالىق ءماسليحاتىنىڭ دەپۋتاتى مۇرات ءادىلحانوۆ.
اتالمىش بايقاۋدىڭ باستى ماقستى – ۇستازداردىڭ ءال-اۋقاتىن ارتتىرىپ, تۇرمىس ساپاسىن كوتەرۋ. باسەكەگە قابىلەتتى, جاڭاشىل, وزىق تاجىريبەلى مۇعالىم مارتەبەسىن كوتەرۋگە باعىتتالعان بۇل سايىسقا الدىن الا وتكىزىلگەن ىرىكتەۋ ناتيجەسىندە وزىپ شىققان جەڭىمپازدارعا ماقتاۋ ديپلومدارىمەن بىرگە قوماقتى قارجىلاي سىيلىقتار تابىس ەتىلدى. بايقاۋ قورىتىندىسى بويىنشا 200 000 تگ كولەمىندەگى 3-ورىندى №180 جالپى ءبىلىم بەرەتىن مەكتەپتىڭ مۇعالىمى قۇرالاي احمەتوۆا يەلەندى.
جۇلدە قورى 300 000 تەڭگەلىك 2-ورىندى №148 مەكتەپ-گيمنازيانىڭ مۇعالىمى گۇلجان دورۆەتحان جەڭىپ الدى. ال, 500 000 تەڭگەلىك بايگەلى 1-ورىندى №168 مەكتەپ-گيمنازيانىڭ مۇعالىمى ەلدار ابدىكالىكوۆ قانجىعاسىنا بايلادى. «اۆتوكولىك» تاعايىندالعان باس جۇلدە №59 مەكتەپ-گيمنازيانىڭ ۇستازى حاسەن زارۋگە بۇيىردى.
«كونكۋرسقا ۇلكەن دايارلىقپەن كەلدىك. ارقاشان ادام الدىنا ماقسات قويۋ كەرەك. ماقساتىمىز وسى - باس جۇلدەنى الۋ كەرەك بولاتىن. وسى جولدا ۇلكەن جۇمىستار جاسادىق. جاس ۇرپاقتىڭ بويىنا ءبىر جاقسى ءبىلىم ءنارىن, ۇلتتىق يدەولوگيانى سىڭىردىك دەگەن ويدامىز», - دەدى قاسىل قاتىقباەۆا اتىنداعى «ۇستاز مارتەبەسى – ۇلت مەرەيى» بايقاۋىنىڭ جەڭىمپازى حاسەن ءزارۋ.
