ايماقتار • 12 جەلتوقسان، 2019

الماتىدا ۇزدىك دەتەكتيۆ شىعارما يەلەرى ماراپاتتالدى

33 رەتكورسەتىلدى

بايقاۋدى «زاڭ» مەديا كورپوراتسياسى ءوزىنىڭ 25 جىلدىق مەرەيتوي  «رۋحاني جاڭعىرۋ»  باعدارلاماسى شەڭبەرىندە ۇيىمداستىرعان.  

الماتىدا 3 ميلليون تەڭگەلىك جۇلدە قورى تاعايىندالعان دەتەكتيۆتىك شىعارمالار بايقاۋى ءوز مارەسىنە جەتتى. الماتى قالالىق سوتىنىڭ 50 جىلدىق جانە «زاڭ» مەديا كورپوراتسياسىنىڭ 25 جىلدىق مەرەيتويىنا وراي ۇيىمداستىرىلعان بۇل بايقاۋعا قازاق تىلىندە 43، ال ورىس تىلىندە 16 ەڭبەك تۇسكەن.

رەسپۋبليكالىق بىرەگەي شىعارماشىلىق جوباعا «يۋريديچەسكايا گازەتا» مەن «زاڭ» گازەتىنىڭ وقىرماندارى، سونداي-اق سۋديالار، زەينەتكەرلىككە شىققان قۇقىق قورعاۋ ورگاندارىنىڭ ارداگەرلەرى، دەتەكتيۆ جانرىنىڭ شەبەرلەرى، جۋرناليستتەر، بىلىمگەرلەر مەن زەينەتكەرلەر قاتىستى. شارا بارىسىندا بايقاۋدى ۇيىمداستىرۋعا ات سالىسقان سوت وكىلدەرى مەن «زاڭ» گازەتىنىڭ رەداكتورلارى ماراپاتتاۋ قۇرمەتىنە يە بولدى.

«الماتى قالالىق سوتىنىڭ سۋديالارى جايىندا جانە وسى قالالىق سوتتا ارالعان شۋلى ىستەر جايىندا جازعان ۇمىتكەرلەر اراسىنان باس جۇلدە تاعايىندايمىز دەپ شەشتىك. ەندى، وسى جولى قازاقشانىڭ وزىنە 40-تان استام شىعارما، ال ورىسشاسىنا 20-دان استام شىعارما كەلىپ ءتۇستى. ىشىندە ارينە، دەتەكتيۆ جانرىنا كەلمەيتىندەرى دە بار. ءدال وسى جانرعا بەل شەشە كىرىسىپ، وندىرە جازىپ جۇرگەن ادامدار دا بار ەكەن»، دەدى «زاڭ» گازەتىنىڭ باس رەداكتورى اينۇر سەمباەۆا.

بايقاۋدىڭ نەگىزگى ماقساتى – قازاق ادەبيەتىنىڭ كەنجەلەپ قالعان جانرىنا جان ءبىتىرۋ. وسى ماقساتتا ۇيىمداستىرىلعان سايىس تالابى بويىنشا اۆتورلاردىڭ زاڭ مەن ادىلەتتىلىكتىڭ سالتانات قۇرۋىن بەينەلەيتىن ويدان شىعارىلعان كوركەم ادەبي وقيعالارى مەن الماتى قالاسى سوتىنىڭ مۇراعاتتىق ىستەرىنەن ناقتى وقيعالاردى ءوز سيۋجەتتەرىنە ارقاۋ ەتكەن شىنايى شىعارمالار سىنعا ءتۇستى. بايقاۋ ناتيجيەسى بويىنشا 500 مىڭ تەڭگەلىك 1-ورىندى الىبەك ورازوۆ جانە جاراس كەمەلجان ەسىمدى اۆتورلار يەلەندى. 300 مىڭ تەڭگەلىك سىياقىسى بار 2-ورىن سانسىزباي مولداجان جانە لاۋرا دۇيسەنباەۆاعا بۇيىردى. 3-ورىندى يەلەنۋشىلەرگە 100 000 تەڭگەلىك اقشالاي سىيلىق تابىستالىپ، باس جۇلدەلىك كەمەل توقاەۆ اتىنداعى ارنايى سىيلىق ايالا زەيىنقىزىنا تاعايىندالدى.

ايتا كەتەلىك، بايقاۋدى ءداستۇرلى تۇردە جىل سايىن ۇيىمداستىرۋ قولعا الىنباق. «دەتەكتيۆ» وقىرمانعا قىزىقتى جانرلاردىڭ ءبىرى بولىپ تابىلادى. الايدا، وسىعان قاراماستان بۇل جانر قازىرگى تاڭدا كەنجەلەپ قالعانى جاسىرىن ەمەس. بايقاۋدى ۇيىمداستىرۋداعى ماقسات تا وسى ولقىلىقتىڭ ورنىن تولتىرۋعا ارنالعان. سول ماقساتتا «زاڭ» مەديا-كورپوراتسياسى قولعا العان باستاماعا الماتى قالالىق سوتى قولداۋ كورسەتىپ، دەتەكتيۆ شىعارمالار بايقاۋىن جىل سايىنعى داستۇرگە اينالدىرساق دەگەن جوسپارىمىز بار»، دەدى الماتى قالالىق سوتىنىڭ سۋدياسى ءبىرجان كارىپجانوۆ.

1

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار