رۋحانيات • 12 جەلتوقسان، 2019

بولات حابيجان ۇلى «التىن دارىگەر» مەدالىمەن ماراپاتتالدى

43 رەتكورسەتىلدى

الماتىدا مەديتسينا عىلىمدارىنىڭ دوكتورى، پروفەسسور بولات حابيجان ۇلىنىڭ 80 جىلدىق مەرەيتويى تويلاندى.  اتالعان شارا «رۋحاني  جاڭعىرۋ»  باعدارلاماسى شەڭبەرىندە ءوتىپ جاتىر.

جيىنعا ورتالىقتىڭ باسشىلىق قۇرامى، دارىگەرلەر مەن قىزمەتكەرلەر، عالىمنىڭ دوستارى مەن ارىپتەستەرى، سونىمەن قاتار شاكىرتتەرى قاتىسىپ،  مەرەيتوي يەسىن مەرەيلى جاسىمەن قۇتتىقتادى. جۇرەكتەن شىققان اق جارما تىلەكتەرىن ارناپ، قۇشاق-قۇشاققا تولى گۇل شوقتارىن تابىس ەتىپ، سىي قۇرمەت كورسەتتى. 

سالتاناتتى جيىنعا ارنايى قاتىسقان س.ج.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ رەكتورى تالعات نۇرعوجين مەرەيتوي يەسىنىڭ دەنساۋلىق سالاسىنا سىڭىرگەن ەڭبەگىن اتاپ ءوتىپ، قوعامدىق دەنساۋلىقتى دامىتۋعا جانە قازاقستان رەسپۋبليكاسىنىڭ دەنساۋلىق ساقتاۋ جۇيەسىن نىعايتۋعا قوسقان ۇلەسى ءۇشىن بولات حابيجان ۇلىن «ۋنيۆەرسيتەت ماقتانىشى» توسبەلگىسىمەن ماراپاتتادى. وقۋ ورىن باسشىسى قۇتتىقتاۋ العى سوزىندە سونداي-اق ارداقتى ۇستاز وقۋ ورىننىڭ «التىن»  كىتابىنا ەنەتىندىگىن جانە بولات حابيجان ۇلىنىڭ ەسىمى ۋنيۆەرسيتەتتىڭ «داڭق» اللەياسىنا جازىلاتىندىعىن اتاپ ءوتتى.

بولات حابيجان ۇلى سونىمەن قاتار، قازاقستان رەسپۋبليكاسىنىڭ حالقىنىڭ ءومىرى مەن دەنساۋلىعىن ساقتاۋعا سىڭىرگەن ابىرويلى ەڭبەگى ءۇشىن ۇلتتىق مەديتسينالىق قاۋىمداستىعىنىڭ جوعارى ماراپاتى - «التىن دارىگەر» مەدالىمەن ماراپاتتالدى.

شارا بارىسىندا مەرەيتوي يەسىن سونداي-اق، «قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ»  ۇجىمى، «استانا مەديتسينا ۋنيۆەرسيتەتى» ۇجىمى مەن ءار وبلىستان كەلگەن شاكىرتتەرى مەن ارىپتەستەرى قۇتتىقتادى.

سوڭعى جاڭالىقتار

UFC ءتۋرنيرى وتپەيتىن بولدى

سپورت • بۇگىن، 19:18

جازىعى جوق كوكتەمنىڭ

ادەبيەت • بۇگىن، 15:36

ۇقساس جاڭالىقتار