الەم • 12 جەلتوقسان، 2019

نورۆەگيادا «امىرە» ءفيلمى كورسەتىلدى

29 رەتكورسەتىلدى

امىرە قاشاۋباەۆتىڭ ومىرىنەن سىر شەرتەتىن كينوتۋىندى ستاۆانگەر قالاسىنداعى Odeon Kino كينوتەاترىندا كورسەتىلدى. قازاقستاننىڭ تاۋەلسىزدىك كۇنى قارساڭىندا نورۆەگيا كورولدىگىندەگى ستاۆانگەر قالاسىندا رەجيسسەر دجەفف ۆەسپا تۇسىرگەن «امىرە» ءفيلمى كورسەتىلدى، دەپ حابارلادى «قازاقفيلم» كينوستۋدياسىنىڭ ءباسپاسوز قىزمەتى. 

بۇل شارا «رۋحاني باعدارلاما» شەڭبەرىندە ۇيىمداستىرىلدى. ءانشى امىرە قاشاۋباەۆتىڭ ومىرىنەن سىر شەرتەتىن كينوتۋىندى ستاۆانگەر قالاسىنداعى Odeon Kino كينوتەاترىندا كورسەتىلدى.

بۇل مادەني ءىس-شارانى قازاقستان رەسپۋبليكاسىنىڭ نورۆەگيا كورولدىگىندەگى ەلشىلىگى جانە ش.ايمانوۆ اتىنداعى «قازاقفيلم» كينوستۋدياسى ۇيىمداستىرعان. «كينوتۋىندى قازاقتىڭ تەنور داۋىستى ءبىرتۋار ءانشىcى امىرە قاشاۋباەۆتىڭ قامشىنىڭ سابىنداي قىسقا دا، جارقىن عۇمىرىن باياندايدى. ول 1925 جىلى پاريجدەگى ەكسپو كورمەسى اياسىندا دۇنيەجۇزىلىك مۋزىكا كونكۋرسىنا قاتىسىپ، ەۋروپا جۇرشىلىعىنا العاش بولىپ قازاقتىڭ ءداستۇرلى ءان ورىنداۋ ونەرىن جانە ۇلتتىق اسپاپ دومبىرانى پاش ەتكەن»، دەدى كورسەتىلىم الدىندا قازاقستاننىڭ نورۆەگيا كورولدىگىندەگى توتەنشە جانە وكىلەتتى ەلشىسى ەركىن احينجانوۆ. 

شارا اياسىندا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ «بەيبىتشىلىك كىندىگى» كىتابىنىڭ تۇساۋكەسەرى ءوتتى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار