قازاقستان • 12 جەلتوقسان، 2019

حالىق ءارتىسى ەركەعالي راحماديەۆتىڭ ۇيىنە ەسكەرتكىش تاقتا قويىلدى

29 رەتكورسەتىلدى

ايگىلى كومپوزيتور، كسرو حالىق ءارتىسى، پروفەسسور ەركەعالي راحماديەۆتىڭ قۇرمەتىنە ەسكەرتكىش تاقتا اشىلدى. «مەموريالدىق تاقتا قازاق كسر مەملەكەتتىك سىيلىعىنىڭ لاۋرەاتى تۇرعان ءۇيدىڭ قابىرعاسىنا ءىلىندى»، دەپ حابارلادى الماتى قالاسى اكىمدىگى ءباسپاسوز حاتشىسى.

بۇل شارا «رۋحاني جاڭعىرۋ» باعدارلاماسى شەڭبەرىندە جۇزەگە اسىپ وتىر. جينالعاندار قازاق مۋزىكاسىنىڭ سيمفونيالىق كۇي جانرىنىڭ نەگىزىن قالاعان تۇلعا جايلى ەستەلىكتەر ايتتى. اشىلۋ سالتاناتىنا سازگەردىڭ ءىزىن باسقان شاكىرتتەرى مەن تۋىستارى قاتىستى.  

«اتتەڭ، كومپوزيتور ەمەسپىن. بىزدە كومپوزيتورلاردىڭ ءوزى سيرەپ بارا جاتىر. ۇلكەن جانردا جۇمىس ىستەيتىن. ەگەردە كومپوزيتور بولسام، اتتەڭ بۇگىنگى تاقىرىپقا ارناپ، ەركەعالي راحماديەۆتىڭ «تاڭ سامالى» ءانىن جۇرتتار بىلە ما جوق پا؟ سوعان ءبىر لەيتماتيۆ جازىپ، ۇلكەن ءبىر وپەرالىق شىعارما جازۋعا بولار ەدى دەپ ويلايمىن»، دەدى مەملەكەت سىيلىعىنىڭ يەگەرى، جازۋشى، دراماتۋرگ دۋلات يسابەكوۆ.

ايتا كەتەيىك، ەركەعالي راحماديەۆ 27 جىل بويى قازاقستان كومپوزيتورلار وداعىنىڭ توراعاسى، كسرو كومپوزيتورلار وداعىنىڭ حاتشىسى بولدى. ال 2010 جىلى وعان «قازاقستاننىڭ ەڭبەك ەرى» اتاعى بەرىلدى. ونىڭ شىعارمالارىندا قاھارماندىق-پاتريوتتىق تاقىرىپ نەگىزگى ورىن الادى.  كومپوزيتوردىڭ «قامار سۇلۋ»، «الپامىس»، «تىڭ تىنىسى» وپەرالارى، «دايرابايدىڭ كۇيى»، «امانگەلدى اتتى سيمفونيالىق پوەمالارى ەلىمىزدە جانە شەتەلدەردە جوعارى باعاعا يە بولعان.

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار