11 جەلتوقسان، 2019

سالىق سەكتورىنداعى جاڭالىقتار ءتۇسىندىرىلدى

21 رەتكورسەتىلدى

3 جەلتوقساندا  ساۋدا كاسىپورىندارى قاۋىمداستىعى، تىكەلەي ساتۋلار  قاۋىمداستىعى، شاعىن جانە ورتا بيزنەستى قورعاۋ  جونىندەگى كاسىپوداقتاردىڭ تاۋەلسىز وداعى، قازاقستاننىڭ تاۋەلسىز اۆتوبيزنەس وداعى، «ۋچەت.كز»  كومپانيالار توبى  پرەزيدەنتكە ساۋدامەن اينالىساتىندار ءۇشىن پاتەنتتەردى قالدىرۋ جانە پاتەنت ءۇشىن كاسسالىق اپپاراتتاردى پايدالانۋ نورماسىن باسقا مەرزىمگە اۋىستىرۋ تۋرالى ءوتىنىش بىلدىرگەن بولاتىن. كاسىپكەرلەر «بيزنەسكە وتپەلى كەزەڭ قاجەت» دەگەن پىكىرىنەن ءالى كۇنگە دەيىن تانباي وتىر.

وسىعان بايلانىستى رەسپۋبليكالىق كاسىپكەرلەرگە كومەك كورسەتۋ ورتالىعىنىڭ ديرەكتورى دميتري كازانتسەۆ الماتىلىق جۋرناليستەردىڭ باسىن قوسىپ،   2020 جىلدىڭ 1 قاڭتارىنان باستاپ ساۋدا سالاسىندا پاتەنت بويىنشا جۇمىس ىستەيتىن كاسىپكەرلەر سالىق سالۋ رەجيمىن اۋىستىرۋ  تۋرالى پىكىرىن ءبىلدىردى. ونىڭ تۇسىندىرۋىنشە،  كاسىپكەر مۇنى ءوزى ىستەمەيتىن بولسا، وندا ونى سالىق سالۋدىڭ جالپىعا بەلگىلەنگەن رەجيمىنە  اۆتوماتتى تۇردە اۋىستىرادى.  بۇل رەتتە كاسىپكەر ءبىر جىل ىشىندە سالىق سالۋ رەجيمىن باسقاسىنا اۋىستىرا المايدى. «سالىق كودەكسىندەگى وزگەرىستەرگە 2017 جىلدىڭ سوڭىندا قول قويىلىپ، كەزەڭ-كەزەڭىمەن كۇشىنە ەندى. وپپونەنتتەر  الدىندا  پىكىرىڭىزدى قورعاۋعا ۋاقىت جەتكىلىكتى بولدى. بۇل كەرەك زاڭ، ول  ساۋدانىڭ 80%-ىن كولەڭكەدەن شىعارۋعا مۇمكىندىك بەرەدى»  دەيدى د. كازانتسەۆ.

قازاقستاندا شامامەن 500 مىڭ ساۋدا كاسىپورنى بار.  ولاردىڭ بارلىعى تۇسەتىن  تابىستى بولجاپ، سالىقتى الدىن الا تولەدى. مىسالى، ء بىر توقساندا  جك 300 مىڭ تەڭگە تابادى، تيىسىنشە، 2% سالىق تولەيدى. تەوريالىق تۇرعىدان، 3 اي وتكەندە كاسىپكەر ءوز ەسەبىن تۇزەتۋى ءتيىس. سوما نە كوپ نە از بولۋى مۇمكىن.  

«پاتەنت بولعالى بەرى ەشكىم مۇنى جاسامادى. سوندىقتان، ساۋدادا  تابىستىڭ جاسىرىلاتىندىعىن ء بارى جاقسى تۇسىنەدى. توقساندىق  تابىس ءاردايىم بىركەلكى  بولا المايدى. پاتەنت پەن جەڭىلدەتىلگەن رەجيم اراسىنداعى سالىق بويىنشا ايىرماشىلىق 1%، ياعني پاتەنتتە 2% الدىن- الا تولەنەدى، ال جەڭىلدەتىلگەن رەجيمدە 3 پايىز فاكتى  بويىنشا  تولەنەدى. دەمەك  كاسىپكەر جارتى جىل ىشىندە سالىققا بولىنگەن  اقشانى اينالدىرا  الادى. ال 2020 جىلدىڭ 1 قاڭتارىنان باستاپ كاسىپكەرلەر 3 جىل بويى وسى نەگىزگى سالىقتى تولەمەيتىنىنە بايلانىستى، بۇل ماسەلە بويىنشا  ايىرماشىلىق ايتارلىقتاي بولمايدى» دەيدى پ. كازانتسەۆ.

سونداي-اق 2020 جىلدان  باستاپ پاتەنتپەن ىستەيتىندەردە، ياعني قولما-قول اقشامەن  جۇمىس ىستەيتىندەردە كاسسالىق اپپارات بولۋعا ءتيىس. بۇل تۇتىنۋشىلاردىڭ قۇقىقتارىن قورعاۋ دەگەن ءسوز. قاۋىمداستىقتار كاسىپكەرلەر بۇعان 39 ملرد تەڭگە جۇمساۋى ءتيىس دەپ سانايدى.

بۇل ساننىڭ قايدان  شىققاندىعى بەلگىسىز.

«قازىر تەگىن كاسسالىق اپپاراتتار  بار، 30 000 تەڭگەلىگى بار،  سونىمەن قاتار كاسسالىق اپپاراتتى ساتىپ الۋ ءۇشىن مەملەكەت كاسىپكەرگە 60 000 تەڭگەگە دەيىن وتەيدى، ياعني  كاسىپكەرلەردى كاسسالىق اپپاراتتارعا ءوز ەسەبىنەن  اۋدارادى» دەيدى پ. كازانتسەۆ.

سونداي-اق پ. كازانتسەۆ  POS-تەرمينالى تۋرالى   دا پىكىرىن بىلدىرە كەتتى.  «بىرەۋلەرگە  بانكتەر ولاردى  پايدالانۋعا بەرەدى، POS – تەرمينالداردىڭ 20 000 تەڭگە كولەمىندەگى انالوگتارى بار. ال  كەلەسى جىلدان باستاپ اقشا اۋدارىمدارى POS - تەرمينالدارعا تەڭەسەدى، ياعني ولارعا قارجى جۇمساۋدىڭ قاجەتى جوق. قازىر ءتىپتى كاسىپكەرلەرگە  جەكە تۇلعالار اراسىنداعى اۋدارىمداردى پايدالانۋعا رۇقسات ەتىلدى، تەك چەكتىڭ بولۋى شارت» دەيدى پ. كازانتسەۆ.

 

 

الماتى

سوڭعى جاڭالىقتار

ۇقساس جاڭالىقتار