رۋحانيات • 11 جەلتوقسان، 2019

ءداستۇرلى مۋزىكا ورتالىعىندا اقىن-جىراۋلىق ونەردىڭ اسىل مۇراسى جيناقتالعان

18 رەتكورسەتىلدى

مۋلتيمەديالىق  ءداستۇرلى مۋزىكا ورتالىعىندا قازاق حالقىنىڭ ءان، كۇي، اقىن-جىراۋلىق ونەرىن جاساۋشى جانە بۇگىنگە جەتكىزۋشى ونەر تۇلعالارىنىڭ اسپاپ-مۇرالارى ورنالاسقان. مۋلتيمەديالىق  ءداستۇرلى مۋزىكا ورتالىعى ەلباسى، قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆتىڭ تاپسىرماسىمەن ەل تاۋەلسىزدىگىنىڭ 25 جىلدىعىنا جانە الماتى قالاسىنىڭ 1000 جىلدىعىنا وراي اشىلعان بولاتىن.

ورتالىقتىڭ بەل ورتاسىندا ورنالاسقان گولوگراممادان ءتورت ءوڭىردىڭ بەلگىلى وكىلدەرىنىڭ ورىنداۋىندا تانىمال ءان-كۇيلەر مەن جىرلاردى تىڭداۋعا بولادى. ال كەلەسى مۋلتيمەديالىق زالدا قازاق حالقىنىڭ سان عاسىرلىق ونەرى مەن مادەنيەتىنە ساياحاتتاي وتىرىپ، ءار وڭىردە ساقتالعان مۋزىكالىق ونەرىمىز بەن باي رۋحاني-مادەنيەتىمىزدىڭ تەرەڭ تاريحىمەن تانىساتىن بولاسىز.

ءداستۇرلى مۋزىكا ورتالىعىندا سەكسەنگە جۋىق ەكسپوزيالار قويىلعان. ورتالىق ەكسپوزياسى ىقىلاس اتىنداعى حالىق مۋزىكالىق اسپاپتار مۋزەيى قورىندا ساقتاۋلى تۇرعان قازاقتىڭ تانىمال ونەر تۇلعالارىنىڭ جادىگەرلەرىنەن جاساقتالدى. ەكسپوناتتار قازاقتىڭ بەلگىلى ونەر تۇلعالارىنىڭ جادىگەرلەرىنەن تۇرادى. ەكسپوناتتار وڭىرلىك ءتورت مەكتەپكە جىكتەلىپ ورنالاسقان:

ارقا انشىلىك، سال-سەرىلىك جانە كۇيشىلىك مەكتەبىنىڭ اسپاپ جادىگەرلەرى.

جەتىسۋ انشىلىك، جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى.

باتىس انشىلىك، جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى.

وڭتۇستىك جانە سىر بويى انشىلىك، جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى.

ورتالىقتا جەتىسۋدىڭ جۇيرىكتەرى جامبىل مەن كەنەننىڭ، سىردىڭ ساڭلاقتارى نارتاي مەن مىرزابەكتىڭ (قىزىل جىراۋ)، باتىس ءان-كۇي مەكتەبىنىڭ كورنەكتى وكىلدەرى دينا مەن ماحامبەتتىڭ، ارقا انشىلىك مەكتەبىنىڭ تۇلعالارى اباي مەن ءبىرجان سالدىڭ دومبىرالارى بار. سونىمەن قاتار، بۇل ورتالىقتى ەلباسى ارنايى كەلىپ اشىپ، دومبىراسىن سىيلاپ، بەلگىلى كۇيشى دينا نۇرپەيىسوۆانىڭ ءمۇسىنىن ورتالىققا سىيعا تارتقان بولاتىن. ۇلتتىق جادگەرلەردى ناسيحاتتاۋ ماقساتىندا ستۋدەنتتەر مەن مەكتەپ وقۋشىلارىنا، سونداي-اق قالا تۇرعىندارى مەن قوناقتارىنا ارنايى ەكسكۋرسيالار ۇيىمداستىرىلىپ تۇرادى. مالىمەتتەرمەن http://kazmuscenter.kz سايتىنان تانىسۋعا بولادى.

 

الماتى

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار