قوعام • 11 جەلتوقسان، 2019

الماتىدا «اسكەرگە شاقىرۋشىلار كۇنىنە» ارنالعان كونتسەرت ءوتتى

27 رەتكورسەتىلدى

ۇلتتىق ۇلان قاتارى تاعى 50 جاس ساربازبەن تولىقتى. بۇگىن الماتىدا «اسكەرگە شاقىرۋشىلار كۇنى» اياسىندا ولارعا قۇرمەت كورسەتىلىپ، مەرەكەلىك كونتسەرت ءوتتى. ايتا كەتۋ كەرەك، الماتى قالاسىنان 2000-نان استام جاس اسكەر قاتارىنا قوسىلادى. بۇل شارا «رۋحاني باعدارلاما» باعدارلاماسى اياسىندا ۇيىمداستىرىلدى.

وندا سوعىس ارداگەرى جانە قازاقستان قارۋلى كۇشتەرىنىڭ اعا بۋىن وكىلدەرى جاستاردىڭ اسكەري قىزمەتتەگى العاشقى قادامدارىمەن قۇتتىقتاپ، اق باتالارىن بەردى. سونداي-اق ۇلدارى وتان الدىنداعى بورىشىن وتەپ جۇرگەن جولدىباەۆتاردىڭ وتباسىنا دا توسىن سىي جاسالدى.

جاستاردى اسكەري-پاتريوتتىق رۋحتا تاربيەلەۋگە سەپتىگىن تيگىزەتىن «اسكەرگە شاقىرۋشىلار كۇنى» الدىمەن كورمەدەن باستالدى. وندا قازاقستان ارمياسىندا قولدانىلاتىن ەڭ قاجەتتى دەگەن بۇيىمدار جانە كيىم ۇلگىلەرى قويىلعان. ايتۋلى مەرەكە كونتسەرتتىك باعدارلامامەن جالعاستى. وندا ۇلى وتان سوعىسىنىڭ ارداگەرى، وتستاۆكاداعى پولكوۆنيك لەونيد گيرش اسكەرگە شاقىرىلۋشىلارعا اق باتاسىن بەردى.    

«قابىلداعالى وتىرعان انتتارىڭا بەرىك بولىڭدار. وتان الدىنداعى بورىشتارىڭدى امان-ەسەن اتقارۋلارىڭا تىلەكتەسپىن. ءاربىر ەر جىگىتتىڭ ازاماتتىق پارىزى دەپ بىلەمىن. ۇيلەرىڭىزدە اتا-انالارىڭىز سىزدەردىڭ تىلەۋلەرىڭىزدى تىلەپ وتىراتىندىعىن ەستەن شىعارماڭىزدار»،  دەدى ۇلى وتان سوعىسىنىڭ ارداگەرى لەونيد گريش.

«اسكەرگە شاقىرۋشىلار كۇنى» التى اي بۇرىن اۋە دەسانتتىق شابۋىلداۋ كۇشتەرىنە شاقىرىلعان داۋىرجان ماحامبەتجاننىڭ وتباسى ءۇشىن ناعىز مەرەكە بولدى. جاۋىنگەرلىك دايىندىقتا جاقسى ناتيجە كورسەتكەنى ءۇشىن وعان قىسقا مەرزىمدى دەمالىس بەرىلىپ، اتا-اناسىمەن كۇتپەگەن كەزدەسۋ ۇيىمداستىرىلدى. ۇلىنىڭ كەلۋى اتا-اناسى ءۇشىن ناعىز توسىنسىي بولدى.

«مىنا ەكىنشى بالام دا اسكەري بولامىن دەدى. اكە جولىن قۋىپ جاتىر بارلىعى. ول كىسى دە اسەري ادام. مەن بۇگىن بالام كەلەدى دەپ كۇتپەدىم. توسىنسىي جاسادى ماعان. وعان كوپ راقمەت. جۇرەگىم جارىلىپ كەتە جازدادى، شىنىمدى ايتسام»،  دەدى باعيلا جولدىباەۆا.  

«جىل سايىن الماتى قالاسىنان 2000-نان استام جاس اسكەر قاتارىنا قوسىلادى. سوڭعى كەزدەرى ساربازدارعا بارلىق جاعداي جاسالعان، سوندىقتان سىزدەردىڭ ۇلدارىڭىزعا ءبىز جاۋاپتىمىز»، دەدى الماتى قالاسى قورعانىس ىستەرى جونىندەگى دەپارتامەنت باسشىسى.      

«ارقاشاندا قازاقستان قارۋلى كۇشتەرىنىڭ كوڭىل ءبولىنۋىنىڭ ارقاسىندا اسكەري قىزمەتتى اتقارۋعا بارلىق جاعداي جاسالعان دەپ ايتا الامىن. بالالارىڭىزدىڭ اسكەر قاتارىنا بارىپ، ەل تىرەگى، جەر تىرەگى بولىپ قايتىپ كەلەتىنەن ءوز اتىمنان سەندىرەمىن»، دەدى الماتى قالاسى قورعانىس ىستەرى جونىندەگى دەپارتامەنت باسشىسى امانتاي ۇسەرباەۆ.

مەرەكەلىك شارا كونتسەرتتىك باعدارلامامەن ۇلاسىپ، اننەن شاشۋ شاشىلدى.

 

 

الماتى

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار