رۋحانيات • 10 جەلتوقسان، 2019

قوستاناي وبلىسىندا تاريحي-مادەني مۇرانى ساقتاۋ ورتالىعى اشىلۋى مۇمكىن

29 رەتكورسەتىلدى

قازاق دالاسىندا ەرەكشە قاستەرلەنەتىن تابيعي، مادەني مۇرا جانە ءدىني ساۋلەتتىڭ ايرىقشا ەسكەرتكىشتەرى، كەسەنەلەر، سونداي-اق، قازاقستان حالقىنىڭ جادىندا وشپەسىز ءىز قالدىرعان تاريحي جانە سايا­سي وقيعالارمەن بايلانىستى ورىندار از ەمەس. سونىڭ ىشىندە توبىل-تورعاي وڭىرىندە دە مۇنداي تاريحي ءھام مادەني مۇرا جەتكىلىكتى.

ماسەلەن، بيىل قوستاناي وبلىسىنىڭ كيەلى جەرلەر تىزىمىنە قوسىمشا 9 نىسان ەنگىزىلىپتى.

 

وبلىستىق مادەنيەت باسقارماسىنىڭ باسشىسى ەرلان قالماقوۆتىڭ ايتۋىنا قاراعاندا، وڭىردە 29 كيەلى نىسان بار. اتاپ ايتقاندا، جالپىۇلتتىق ماڭىزى بار – 10، وڭىرلىك ماڭىزى بار 19 نىسان تىركەلگەن. ولاردىڭ قولجەتىمدىلىگىن ارتتىرۋ جانە ينفراقۇرىلىمدى دامىتۋ بويىنشا جاسالعان جول كارتاسىنىڭ شەڭبەرىندە 175 ملن تەڭگە جۇمسالعان.

«امانگەلدى، جانگەلدين، دەنيسوۆ، قوستاناي، مەڭدىقارا، ناۋىرزىم اۋداندارىنىڭ اكىمدىكتەرى 2018-2020 جىلدارعا ارنالعان جول كارتاسىندا كوزدەلگەن ءىس-شارالاردى تولىق كولەمدە ورىندادى. جانگەلدين اۋدانىندا جالپى سوماسى 3،65 ملن تەڭگەگە قازىباي اۋليە مازارىنا قۇرىلىس جۇمىستارى جۇرگىزىلىپ، زيارات ەتۋگە كەلگەندەر ءۇشىن ءۇي سالىندى. قوبىزشى تىلەپ اسپانتاي ۇلى جەرلەنگەن جەردە 12 ملن تەڭگەگە ماۆزولەي تۇرعىزىلدى. بەيىمبەت مايلين اۋدانىنداعى جاباعى يپان ۇلى باتىردىڭ جەرلەنگەن جەرىنە قورشاۋلار مەن قاقپا ورناتىلىپ، كىرمە جول سالىندى. جالپى، وبلىستىڭ بارلىق كيەلى نىسانى قاناعاتتانارلىق جاعدايدا. بارلىق وبەكتىلەردە QR كودى بار ءۇش تىلدەگى اقپاراتتىق تاقتايشالار ورناتىلعان» دەيدى ەرلان قالماقوۆ.

بيىل قوستاناي وبلىسىنىڭ كيەلى جەرلەرىنىڭ تىزىمىنە قوسىمشا 9 نىسان ەنگىزىلىپتى.

تاياۋدا وبلىستىق مادەنيەت باسقارماسىنىڭ باسشىسى وبلىس اكىمىنە 2020 جىلى تاريحي-مادەني مۇرانى ساقتاۋ ورتالىعىن اشۋدى ۇسىنعان. ورتالىقتىڭ ماقساتى ءوڭىردىڭ تاريحي-مادەني مۇراسىن دارىپتەۋ بولماق. مۇنداي ورتالىقتار ەلىمىزدىڭ بارلىق وڭىرىندە جۇمىس ىستەيدى.

وبلىس اكىمى ارحيمەد مۇحامبەتوۆ مادەنيەت باسقارماسى باسشىسىنىڭ بۇل ۇسىنىسىن قولدادى. سونداي-اق اكىم ءوڭىردى تانىستىراتىن 10-15 مينۋتتىق بەينەفيلم جاساۋدى تاپسىردى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار