«مەنىڭ ويىمشا ەلىمىزدىڭ قارجىلىق سەكتورىندا ايتارلىقتاي وزگەرىس بولمايدى. ۇلتتىق بانكتىڭ ارتىنان ەلورداعا ەشكىم حەدكورتەرلەرىن كوشىرمەيدى. بۇل قالىپتى جاعداي. ويتكەنى الماتى قارجىلىق ورتالىعىمىز بولىپ قالا بەرمەك», دەدى ۇلتتىق بانك باسشىسى.
سونىمەن قاتار ەربولات دوساەۆ الماتىدا ۇلتتىق بانكتىڭ بولىمشەسى بولاتىنىن ەسكەرتتى. ونىڭ پىكىرىنشە, بۇل قارجىلىق قوعامداستىق پەن 2020 جىلى قاڭتار ايىندا جۇمىس ىستەي باستايتىن قارجىلىق نارىقتى رەتتەۋ مەن دامىتۋ اگەنتتىمەن «جاقسى كوممۋنيكاتسيا» قالىپتاستىرۋ ءۇشىن قاجەت.
«قارجىلىق تۇراقتىلىق بويىنشا بارلىق جۇمىستار الماتىدا جۇرگىزىلەدى دەپ جوسپارلانۋدا», دەدى ەربولات دوساەۆ.
سونىمەن قاتار ە. دوساەۆتىڭ تۇسىندىرۋىنشە, ۇلتتىق بانكتى كوشىرۋ تۋرالى قاۋلى 2019 جىلدىڭ 3 شىلدەدە قابىلداعان.
«ودان بەرى التى اي ءوتتى, كوپتەگەن پىكىرتالاستار بولدى. ۇلتتىق بانكتىڭ عيماراتىنا قارجىلىق قاداعالاۋ اگەنتتىگى ورنالاسادى. ۇلتتىق بانك استاناداعى ءۇي-جايلاردى جالعا الىپ, سودان كەيىن ءوز عيماراتىن سالاتىن شىعار», دەدى ۇلتتىق بانك باسشىسى. ونىڭ ايتۋىنشا, بۇل ەلدىڭ قارجى سەكتورىندا ايتارلىقتاي وزگەرىستەرگە اكەلمەيدى. «بۇل قالىپتى جاعداي, ويتكەنى الماتى - ەلىمىزدىڭ قارجى ورتالىعى. بارلىق قارجى ينستيتۋتتارى وسىندا قالادى. ۇلتتىق بانك قارجىلىق قاداعالاۋ اگەنتتىگىمەن دە, قارجىلىق قوعامداستىقپەن دە بايلانىس ورناتۋ ءۇشىن الماتى قالاسىندا تۇراقتى وكىلدىگىن قۇرۋعا نيەتتى », دەپ ءتۇسىندىردى ۇلتتىق بانك توراعاسى.
سونىمەن قاتار ونىڭ ايتۋىنشا, قارجىلىق تۇراقتىلىق اياسىندا ورىندالاتىن بارلىق جۇمىستار الماتىدا وتەدى.
«ۇلتتىق بانكتى جىلجىتۋ - بۇل نومەنكلاتۋرا ەمەس. بۇل قالىپتى قۇبىلىس. ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردە ورتالىق بانكتەر استانالاردا ورنالاسقان », دەدى ۇلتتىق بانك باسشىسى.
ۇلتتىق بانكتىڭ توراعاسى نۇر سۇلتانداعى باسقا مەملەكەتتىك ورگاندارمەن بىرگە جۇمىس ىستەۋ بارلىق جاعىنان ءتيىمدى ەكەنىن اتاپ ءوتتى.
«بۇل تەك الماتىدا عانا ەمەس, سونىمەن قاتار نۇر-سۇلتان قالاسىندا دا قارجى سەكتورىنىڭ دامۋىنا سەرپىن بەرەدى», دەپ قورىتىندىلادى دوساەۆ.
ەسكە سالساق, 2015 جىلعى 20 مامىردا قازاقستان رەسپۋبليكاسى ۇلتتىق بانكىنىڭ (ۇب) ورتالىق اپپاراتى 2017 جىلدىڭ 1 قاڭتارىنا دەيىن الماتىدان نۇر-سۇلتانعا كوشىرىلەتىنى تۋرالى حابارلانعان بولاتىن.
