قازىرگى ۋاقىتتا ءتيىستى قۇجاتتار ازىرلەنىپ جاتىر. جاڭا بالاباقشا سالىنسا, قالاداعى مەكتەپكە دەيىنگى مەكەمەلەرگە دەگەن كەزەك ءسال دە بولسا ازايار ەدى دەيدى ماماندار. قازىر قالا بويىنشا 45 مىڭ ءبۇلدىرشىن بالاباقشا كەزەگىندە تۇر. سونداي-اق بىرنەشە جىلدان بەرى بوس تۇرعان «يۋنوست» كينوتەاترى عيماراتىندا بولاشاقتا سپورت ورتالىعى اشىلادى. ال مىنا كوپ قاباتتى تۇرعىن ءۇي كەشەنى بىلتىر سالىنىپ ءبىتۋى ءتيىس ەدى. الايدا الماتىنىڭ تاۋلى بەتكەيىندە ءۇش قاباتتان اساتىن عيمارات سالۋعا تىيىم سالىنعاننان كەيىن 2016 جىلى قۇرىلىس توقتاتىلعان.
ەندى بۇل جەردەن سپورت نەمەسە مادەنيەت سارايىن اشۋ جوسپاردا بار.
قالانىڭ اۋەزوۆ اۋدانىندا وسىنداي ەسكەرۋسىز قالعان, بىراق پايداعا اسىرۋعا بولاتىن 30 عيمارات ينۆەستورلارعا تانىستىرىلدى.
«ەكى عيمارات – تۋبەركۋلەز ديسپانسەرى مەن «يۋنوست» كينوتەاترى الماتى الەۋمەتتىك كاسىپكەرلىك كورپوراتسياسىنىڭ ەنشىسىندە. قالعاندارى جەكەمەنشىككە تيەسىلى. بالاباقشا, دامىتۋ ورتالىقتارى مەن مەديتسينالىق مەكەمە اشۋعا دايىن عيماراتتار دا بار. سونداي-اق جەكەمەنشىك يەلەگىندەگى بوس جاتقان جەرلەرگە تۇرعىن ءۇي كەشەندەرىن جانە الەۋمەتتىك نىساندار سالۋ ءۇشىن ينۆەستورلاردى تارتىپ جاتىرمىز», دەيدى اۋەزوۆ اۋداندىق اكىمدىگى كاسىپكەرلىك جانە ءوندىرىس ءبولىمىنىڭ باس ءمامانى مادينا كارىموۆا.
الماتى
