رۋحانيات • 07 جەلتوقسان، 2019

الماتىدا 128 مىڭنان استام وقۋشى قازاق تىلىندە ءبىلىم الادى

241 رەتكورسەتىلدى

«تاۋەلسىزدىك جاريالاعان كۇننەن باستاپ، قازاقستان تاريحتىڭ جاڭا پاراقتارىن اشا باستادى. بارلىق سالا كەڭەستىك تۇسىنىكتەن ارىلىپ، جەكە دارا دامۋ قاجەت بولدى. سول تۇستا الماتىدا 162 مەكتەپ بولعان. ونىڭ تەك 13-ءى عانا قازاق تىلىندە ءبىلىم بەرگەن. ەگەمەندىكتى الا سالا وقۋشىلار سول 13 ءبىلىم وشاعىنا اعىلىپ اۋىسا باستادى»، دەپ حابارلايدى الماتى قالاسى اكىمدىگى ءباسپاسوز ءبولىمى.

تاۋەلسىزدىك العان جىلدارى الماتىدا نەبارى 13 قازاق مەكتەبى بولعان. سونىڭ ءبىرى ءھام بىرەگەيى – وسى شوقان ءۋاليحانوۆ اتىنداعى مامانداندىرىلعان №12 گيمنازيا. ەلدىڭ ەگەمەندىك الۋىنا سەپتەسكەن تالاي تۇلعالار وسى عاسىرعا جۋىق تاريحى بار ءبىلىم وشاعىنان تۇلەپ ۇشقان.

ەگەمەندىگىمىزدى جاريالاعان ۋاقىتتا الماتىدا قازاق تىلىندە ءبىلىم الاتىن 15 مىڭعا تارتا وقۋشى بولىپتى. سونىڭ 2000-عا جۋىعى وسى جەردە وقىعان. ءتىپتى الىپپەنى ورىسشا باستاپ، 2-3 سىنىپتا قازاق مەكتەبىنە اۋىسقاندار كوپ. تالىمگەرلەردىڭ كوپتىگىنە قاراماستان، ۇستازدار تالاي ۇلى تۇلعالاردى تاربيەلەپ شىققان.

«وزدەرىڭىز بىلەسىزدەر، تاۋەلسىزدىك العاش العان جىلدارى ەلىمىزدە قانداي جاعداي بولدى. قازىرگى جاعدايمەن سالىستىرۋعا مۇلدەم كەلمەيدى. سودان بەرى ءبىلىم سالاسى وتە قارقىندى دامىدى دەپ ايتۋعا بولادى. قازىرگى تاڭدا وقۋشىلارىمىز كوپتەگەن جەتىستىككە جەتىپ جاتىر»، – دەدى الماتى قالاسى ءبىلىم باسقارماسىنىڭ باس مامانى بيبىگۇل قابيسالىقىزى.

45 جىل ۇستازدىق قىزمەت ەتىپ كەلە جاتقان ءاسيا شورتان ەگەمەندىك العاننان كەيىن ءبىلىم بەرۋ سالاسى كۇرت وزگەرگەنىن ايتادى.

«تاۋەلسىزدىگىمىزدى جاريالاعالى بەرى تۋرا 28 جىل ءوتتى. وسى ۋاقىت ارالىعىندا ءبىلىم سالاسىندا ءتۇرلى رەفورمالار ورىن الدى. ءبىلىم بەرۋ ادىستەرى دە وزگەرتىلدى. ۇستازدار جىل سايىن تاجىريبەلەرىن ارتتىرىپ تۇرسا، ءبىلىم وشاقتارى سوڭعى ۇلگىدەگى تەحنولوگيامەن جابدىقتالىپ جاتىر. ال، الماتىلىق وقۋشىلار، پاندىك وليمپيادالار مەن حالىقارالىق بايقاۋلاردا توپ جارىپ ءجۇر»، – دەدى ءاسيا شورتان

وسى كۇنى الماتىدا 205 مەكتەپ بار. ونىڭ 68-ءى قازاق تىلىندە. مەملەكەتتىك تىلدە ءبىلىم الىپ جاتقان وقۋشىلاردىڭ سانى 128 مىڭنان اسادى. بۇل –تاۋەلسىز ەل تاريحىنىڭ ءبىر عانا پاراسى.

 

 

الماتى

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار