رۋحانيات • 07 جەلتوقسان، 2019

اسىق ويىنى بالالاردى ومىرلىك تاجىريبەگە باۋليدى

929 رەتكورسەتىلدى

«اسىق اتۋ» ويىنى – قازاق حالقىنىڭ ەجەلگى وتە كەڭ تاراعان ۇلتتىق ويىن تۇرلەرىنىڭ ءبىرى. ەتنومادەني ءومىر تۋدىرعان ءتولتۋما ونەر دەپ تانيمىز.

ويىننىڭ باستى وبەكتىسى دە، قۇرالى دا – اسىق. بالالار اراسىندا كەڭ تاراعان ويىن ەپتىلىككە، مەرگەندىككە، ۇقىپتىلىققا، سەرگەكتىككە باۋلىيتىن تاربيەنىڭ كوزى.

Ruh.kz (رۋحاني جاڭعىرۋ پورتالى) تۇراقتى ناسيحاتتاپ جۇرگەن قازاق حالقىنىڭ ءداستۇرلى ويىنى اسىق ويىنىن كۇندىز دە، تۇندە دە ويناۋعا بولادى. كۇندىزگىسى – مەرگەندىككە، تۇنگىسى – ەپتىلىككە باۋليدى.

يىرگەندە تۇسكەن قالپىنا قاراي اسىق – الشى، تايكە، بۇك، شىك دەپ، ال اتۋعا ارناپ ارنايى قورعاسىن قۇيىلىپ جاسالعانى – ساقا، جاقسىلارى – وڭقى اتالادى.

اسىق ويىنىنىڭ مىناداي تۇرلەرى بار: قۇمار،تايكە،ومپى، الشى، حان (حان اتۋ)، قاقپاقىل، ت.ب. بۇل ويىنعا 2-4 ادام قاتىسادى. ولاردىڭ جاقسى جونىلىپ، تابانى قايرالعان ءتورت اسىعى بولۋى كەرەك. ويىنشىلار ءوزارا كەلىسىپ جەڭىمپازعا جۇلدە تاعايىنداپ الادى دا كەزەك-كەزەك ءتورت اسىقتى يىرەدى. ەگەر ءيىرۋشى ءتورت بۇك، نە ءتورت شىك، نە ءتورت الشى، نە ءتورت تايكە تۇسىرسە، جۇلدەنىڭ جارتىسىن الادى، ءتورت اسىق ءتورت ءتۇرلى تۇسسە، وندا تىگىلگەن جۇلدەنى تۇگەلدەي الادى. وسىلايشا ويىن جالعاسا بەرەدى.

اسىقتى مۇرتىنان نە جامباسىنان تۇرعىزۋدى ومپى دەيدى. ومپى ويىنى تەگىس الاڭدا، جازىق جەردە، ءتىپتى ۇلكەن بولمە ىشىندە دە وينالا بەرەدى. ويىنشى سانى نەعۇرلىم كوپ بولسا، ويىن سوعۇرلىم قىزىقتى وتەدى. كوپ اسىق ۇتىپ الۋدى كوزدەيتىن ويىن تۇرىندە ويناۋشىلار اراسى 20 قادام ەكى كومبە سىزادى دا كومبەنىڭ تەڭ ورتاسىنا سىزىق بويىنا ارقايسىسى ەكى اسىقتان تىگەدى. تىگىلگەن اسىقتاردىڭ تاپ ورتاسىنا ءبىر اسىقتى ومپىسىنان تۇرعىزادى. بالالار كەزەك-كەزەك ساقالارىمەن ون قادام جەردەگى ومپىنى اتىپ ءتۇسىرىپ، اسىق ۇتىپ الۋعا كىرىسەدى. ەگەر اتۋشى ومپىعا بىردەن تيگىزسە، وندا تىگىلگەن بار اسىقتى سول الادى، ال ومپىعا تيگىزە الماي، تۇرعان اسىقتاردىڭ بىرەۋىنە تيگىزسە، سول اسىقتى عانا الادى. اسىق جاڭارتىلا تىگىلىپ، ويىن جالعاسا بەرەدى. اسىق ويىنىنىڭ حالىق اراسىنا كەڭ تاراعان، باسقا دا تۇرلەرى بار.

 

الماتى

ج

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار