كەزدەسۋ اياسىندا جاس عالىمدار, وقىتۋشىلار, قىزمەتكەرلەردەن قۇرالعان توپ وكىلدەرى ۋنيۆەرسيتەت رەكتورىمەن بىرگە اشىق سۇقبات الاڭىنىڭ فورماتىندا وزدەرىن تولعاندىرعان اكادەميالىق, عىلىمي, الەۋمەتتىك ماسەلەلەرگە قاتىستى ءتۇرلى ۇسىنىس-پىكىرلەرىمەن ءبولىستى. ۋنيۆەرسيتەت رەكتورى وسىنداي اشىق تالقىلاردىڭ ۋنيۆەرسيتەت ءومىرىنىڭ ءارتۇرلى ساتىسىنا اسەر ەتەتىندىگىن, ينستيتۋتتارداعى قوردالانعان ماسەلەلەردى بىرلەسە شەشۋ قاجەتتىگىن العا تارتتى. سونىمەن قاتار تاحير وسپان ۇلى ۋنيۆەرسيتەت تاراپىنان جاسالىپ جاتقان, الداعى ۋاقىتتا جوسپارلانعان باستامالارىمەن دە بولىسە وتىردى.
ەلۋدەن استام جاس مامان جيىرما بەسكە جۋىق ناقتى ۇسىنىس-ساۋالىن ۋنيۆەرسيتەت باسشىلىعىنا جولدادى. ءبىرشاما ماسەلە سول كەزدەسۋدە رەكتوردىڭ تىكەلەي قاداعالاۋىمەن بىردەن جاۋاپتى تۇلعالارى انىقتالىپ, ءوز شەشىمدەرىن تاۋىپ جاتتى. كوپ ماسەلەلەردىڭ اراسىندا - دوكتورانتۋراداعى وزەكتى جاعدايلار, جاس وقىتۋشىلاردىڭ جالاقى كولەمىنىڭ جەتكىلىكسىزدىگى, باسپانامەن قامتۋ باعدارلامالارىنان حابارسىزدىعى, اعا بۋىن پروفەسسورلىق قۇراممەن ۇرپاق ساباقتاستىعىنىڭ اجىراپ قالۋى, كادرلىق ءوسىم پەرسپەكتيۆالارى, سپورتقا باۋلۋ ءىس-شارالارىنىڭ جۇيەلى جۇرگىزۋ باعىتتارى مەن ينستيتۋتتاردىڭ قازىرگى كورىنىسى, ينفراقۇرىلىمدىق-زەرتحانالىق جابدىقتالۋ ءتارىزدى كوكەيكەستى ماسەلەلەر قاراستىرىلدى.
جالپى اتالعان اشىق كەزدەسۋ فورماتى جاس مامانداردىڭ وتىنىشىمەن ءاربىر ەكى ايدا تۇراقتى جۇرگىزىلىپ تۇراتىندىعى ۇسىنىلدى. رەكتور ءوز كەزەگىندە, مۇنداي يگىلىگى زور بارشا ۋنيۆەرسيتەتتىڭ جاس ۇجىمىنىڭ ورتاق ارەكەتتەرىمەن كەلەشەگى جارقىن دامۋعا باستايتىن قادامدار ارقايسىنىڭ تىكەلەي قاتىسۋىمەن عانا جۇزەگە اساتىندىعىنا زور سەنىم بىلدىرەتىندىگىن, ءاردايىم رەكتورات تاراپىنان قىزۋ قولداۋ كورسەتەتىندىگىن تىلەگىن جەتكىزدى.
الماتى
