قوعام • 05 جەلتوقسان، 2019

الماتىدا «STOP ەكسترەميزم!» بايقاۋى ۇيىمداستىرىلدى

37 رەتكورسەتىلدى

ەلىمىزدە ءدىني ەكسترەميزم مەن تەرروريزمگە جول جوق!

وسىنداي ۇستانىمدى الدىنا ماقسات ەتكەن «STOP ەكسترەميزم!» بايقاۋى الماتىدا ۇيىمداستىرىلدى. جىل سايىن حالىق اراسىندا بۇل ز ۇلىمدىقتىڭ الدىن الۋدى ناسيحاتتايتىن بايقاۋعا بارلىق سانى 87 قاتىسۋشى ءوتىنىم تاستاپ، 100-دەن استام جۇمىس اۆتورلارى باق سىنادى.

ءدىن – قازىرگى جاستارعا اسەر ەتەتىن بەلسەندى كۇشتەردىڭ ءبىرى. ال قازاقستان حالقى، اسىرەسە، جاستار جاعى ءدىني اعىمداردىڭ كەرى جاعىن دۇرىس تانىماي جاتادى. وسى ورايدا ەلىمىزدە ءدىني ەكسترەميزم مەن تەرروريزمگە قارسى قوعامدى قالىپتاستىرۋ ماقساتىندا جىل سايىن وتكىزىلەتىن «STOP ەكسترەميزم!» الەۋمەتتىك بايقاۋىنا قازاقستاننىڭ بارلىق قالاسىنان 130 اۆتورلىق بەينەروليك كەلىپ تۇسكەن.

«ەڭ باستىسى، بۇل روليكتەردە ادامداردىڭ ەكسترەميزم دەگەننىڭ نە ەكەنىن ءبىلىپ، ەكىنشى جاعىنان، تۋىستار مەن جاقىندارىمىزدى سودان ساقتاپ قالۋ بولىپ وتىر. مەنىڭ ويىمشا، بۇل وتە جاقسى ستيمۋل جانە ادامداردىڭ وسىنداي ەكسترەميزمگە قارسى جاڭا شەرۋى، جاقسى «ترەند» دەپ ەسەپتەيمىن»، - دەدى الماتى قالالىق ءماسليحاتىنىڭ دەپۋتاتى قايرات قۇدايبەرگەن.

بايقاۋعا ەلىمىزدىڭ ءار قالاسىنان 87 ادام قاتىسقان. سايىس تالاپتارىنا ساي ورىندالعان جانە ماعىناسى تەرەڭ الەۋمەتتىك بەينەروليكتەردىڭ ىشىنەن ەڭ ۇزدىكتەرى تاڭدالىپ، جەڭىمپازدارعا اقشالاي سىيلىقتار تابىستالدى. بايقاۋدىڭ جۇلدە قورى 1 500 000 تەڭگەنى قۇراپ، ول بەس قاتىسۋشىعا ءبولىنىپ بەرىلدى. ەڭ جاقسى اۆتورلىق جۇمىستار «ۇزدىك الەۋمەتتىك روليك» نوميناتسياسى بويىنشا - 700 000 تەڭگە، «ۇزدىك يدەيا» - 400 000 تەڭگە، «ۇزدىك رەجيسسەرلىك جۇمىس» - 300 000 تەڭگەلىك ىنتالاندىرۋ سىيلىعى نوميناتسيالارى بويىنشا ماراپاتتالدى.

ماراپاتتاۋ راسىمىندە بۇل ز ۇلىمدىقتىڭ ءمان-ماعىناسىن بەينەروليك ارقىلى جەتكىزە بىلگەن جۇمىستاردىڭ كوبى كورەرمەندەر نازارىنا ۇسىنىلدى. الداعى ۋاقىتتا بايقاۋعا قاتىسقان بۇل روليكتەر الەۋمەتتىك جەلىلەرگە دە جۇكتەلەدى. بايقاۋ قورىتىندىسى بويىنشا جۇلدەلى ورىنداردى - ولەگ حون، ءالينۇر شپەكباەۆ، سابينا توقسانوۆا، رۇستەم ءالپي ەسىمدى قاتىسۋشىلار يەلەندى.

قازىرگى تاڭدا حالىقارالىق تەرروريزم اۋقىمى، كەلتىرگەن زالالدارى مەن جيىلىگى بويىنشا ادامزاتتىڭ ۇلكەن پروبلەمالارىنىڭ بىرىنە اينالعان. دەسە دە، ءدىني ەكسترەميزم مەن لاىكەستىككە قارسى كۇرەس ەلىمىزدە  2013 جىلدان باستاۋ الىپ، ارنايى باعدارلامالار جۇمىس جاساپ كەلەدى. وندا جات اعىمنىڭ  الدىن الۋدا جۇرتشىلىقتى جۇمىلدىرۋعا جانە ماقساتتى توپتار اراسىندا اقپاراتتىق ۇگىت-ناسيحات جۇمىستارىن جەتىلدىرۋگە جەتە ءمان بەرىلگەن. ايتا كەتەلىك، وسىنداي ماڭىزدى شارا الماتى قالاسىنىڭ پروكۋراتۋراسى مەن ارنايى قوعامدىق قورلاردىڭ قولداۋىمەن ۇيىمداستىرىلعان.  

 

الماتى

 

 

 

 

 

 

.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار