ايماقتار • 28 قاراشا، 2019

وسكەمەندە 20 جاسقا باسپانا كىلتى بەرىلدى

25 رەتكورسەتىلدى

ساندۋعاش قاسەنوۆا 8 جاسىنان 18 جاسقا دەيىن بالالار ۇيىندە تاربيەلەنسە، سوڭعى جىلدارى انالار ءۇيىن پانالاپتى.

تۇڭعىش پرەزيدەنت مەرەكەسى قارساڭىندا وسكەمەندە ءۇي كەزەگىندە تۇرعان جەتىم جانە اتا-انا قامقورلىعىنسىز قالعان 20 جاسقا باسپانا كىلتتەرى تابىس ەتىلدى. سالتاناتتى شاراعا وبلىس اكىمى  دانيال احمەتوۆ پەن قالا باسشىسى جاقسىلىق ومار قاتىسىپ، جيىرما وتباسىنىڭ قۋانىشتارىنا ورتاقتاسىپ، جىلى لەبىزدەرىن جەتكىزدى.

«باسپانا – باقىتتىڭ باستاۋى. بارشاڭىزدى قۇتتىقتايمىن. جاقىن ۋاقىتتا 600 پاتەرلى 4 تۇرعىن ءۇيدىڭ قۇرىلىسى اياقتالادى. ونىڭ ەكەۋى، ياعني، 110 پاتەر كوپ بالالى وتباسىلارىنا، جەتىم بالالار مەن وزگە دە ساناتتاعى الەۋمەتتىك از قامتىلعان توپ وكىلدەرىنە بەرىلەدى. جالپى، وڭىردە تۇرعىنداردىڭ بارلىق ساناتىن ساپالى ءارى قولجەتىمدى باسپانامەن قامتاماسىز ەتۋ ماقساتىندا 443 مىڭ شارشى مەتر تۇرعىن ءۇي سالىنادى. 19 ءۇي قولدانىسقا بەرىلدى» دەدى ايماق باسشىسى.

 ساندۋعاش

ء«وز ءۇيى – ولەڭ توسەگىنە» قول جەتكىزگەن جانداردىڭ ءبىرى ساندۋعاش قاسەنوۆا 8 جاسىنان 18 جاسقا دەيىن بالالار ۇيىندە تاربيەلەنسە، سوڭعى جىلدارى انالار ءۇيىن پانالاپتى. «تاعدىردىڭ باسقا سالعانىنا ءبىز كىنالى ەمەس شىعارمىز؟! شىنىمدى ايتسام، 24 جاسىمدا باسپانالى بولامىن دەپ ويلاماپپىن. ء«ۇمىت» بالالار ۇيىنە، انالار ۇيىنە راحمەت. بارشاڭىزعا العىس بىلدىرەمىن» دەپ كوزىنە جاس الدى.

وبلىس اكىمىنىڭ ءباسپاسوز قىزمەتى تاراتقان مالىمەتكە سۇيەنسەك، وڭىردە كوپ بالالى جانە از قامتىلعان وتباسىلاردى قولداۋ ماقساتىندا كەشەندى باعدارلاما ىسكە اسىرىلۋدا. اعىمداعى جىلى كوپ بالالى وتباسىلار ساناتىنان كەزەكتە تۇرعان 388 وتباسى جەكە تۇرعىن ۇيمەن قامتاماسىز ەتىلىپتى.  

وسكەمەن

 

سۋرەتتەردى تۇسىرگەن تىلەۋبەك شاياحمەت

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار