بۇل ورايدا بيىل ىلعال ساقتاۋ تەحنولوگياسى وڭىردەگى 29,0 مىڭ گەكتار ەگىس القابىنا ەنگىزىلسە, سۋ ۇنەمدەۋ تەحنولوگيالارىنىڭ كولەمى 20,5 مىڭ گەكتار القاپقا جەتىپ, 12,6 پايىزعا ارتقان. جامبىل وبلىستىق اۋىل شارۋاشىلىعى باسقارماسىنىڭ باسشىسى بەرىك نىعماشەۆتىڭ ايتۋىنشا, ايماقتا 2015 جىلى وتىرعىزىلا باستاعان ۇدەمەلى باقتاردىڭ كولەمى بۇگىندە 1064 گەكتارعا جەتىپ, وبلىستاعى باقتار 3375 گەكتاردى قۇراعان.
قازىرگى كەزدە وبلىستا اۋماعى 32 گەكتاردى قۇرايتىن 300 جىلىجاي بولسا, ولاردان اعىمداعى جىلدىڭ ءبىرىنشى كەزەڭىندە 2,9 مىڭ توننا ءونىم الىنعان.
بۇل ماۋسىمارالىق كەزەڭدە ىشكى نارىقتى 23 پايىزعا قامتىعان كورسەتكىش. قازىرگى ۋاقىتتا وڭىردە قوسىمشا قاجەتتى 37 گەكتار جىلىجايلار قۇرۋ جۇمىستارى جۇرگىزىلۋدە.
