–بۇگىنگى شاعىن قۇرامداعى وتىرىستىڭ قورىتىندىسىنا توقتالسام, ءبىز سىندارلى جانە سەنىمگەرلىك تۇرعىدا كۇن تارتىبىندەگى تاقىرىپتاردىڭ كەڭ سپەكتورىن تالقىلادىق. وڭىرلىك جانە جاھاندىق قاۋىپسىزدىككە قاتىستى وزەكتى پروبلەمالار بويىنشا اشىق تالقىلاۋ جۇرگىزدىك. كۇن تارتىبىندەگى بارلىق ماسەلەلەر بويىنشا تولىقتاي ءوزارا تۇسىنىستىككە قول جەتكىزىلدى. سونىمەن قاتار سەسسياارالىق كەزەڭدەگى ۇيىم قىزمەتىنىڭ نەگىزگى قورىتىندىلارىن دا تالقىلادىق. قاۋىپسىزدىكتىڭ زاماناۋي سىن-تەگەۋرىندەرى مەن قاتەرلەرىنە قارسى ارەكەت ەتۋ بويىنشا شارالار قابىلداندى. سونىمەن قاتار جىلى اتقارىلاتىن جۇمىستىڭ وزەكتى باعىتتارى ايقىندالدى. ۇيىمعا توراعالىق جاساعان قىرعىز رەسپۋبليكاسىنىڭ باسشىسى رەتىندە مەن ۇقشۇ-نىڭ حالىقارالىق بەدەلىن كوتەرۋ بويىنشا بەلسەندى جۇمىستار جۇرگىزىلگەنىن اتاپ وتكىم كەلەدى, دەدى سوورونباي جەەنبەكوۆ.
سەسسيا جۇمىسىنا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ, رەسەي فەدەراتسياسىنىڭ پرەزيدەنتى ۆلاديمير پۋتين, بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو, تاجىكستان رەسپۋبليكاسىنىڭ پرەزيدەنتى ەمومالي راحمون, قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ جانە ارمەنيا رەسپۋبليكاسىنىڭ پرەمەر-ءمينيسترى نيكول پاشينيان قاتىسۋدا.
