بۇل وزگەرىستەر 2019 جىلعى 28 قازاندا مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى مەملەكەتتىك رەتتەۋ ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭىنا سايكەس جۇزەگە اسىرىلاتىن بولادى.
قر اۋىل شارۋاشىلىعى مينيسترلىگىنىڭ قوعاممەن بايلانىس باسقارماسى «ۆەتەرينارلىق-سانيتارلىق باقىلاۋعا» قاتىستى ەنگىزىلگەن زاڭنامالىق وزگەرىستەرگە تۇسىنىكتەمە بەردى.
قابىلدانعان زاڭ اياسىندا ۆەتەريناريا سالاسىنداعى بىرقاتار زاڭنامالىق اكتىلەرگە وزگەرىستەر ەنگىزىلدى.
اتاپ ايتار بولساق, نارىقتا ۆەتەريناريالىق تالاپتارعا سايكەس كەلمەيتىن ءونىمنىڭ اينالىمىنا جول بەرمەۋ ماقساتىندا تاۋارلاردى الىپ كەلۋ جانە وتكىزۋ كەزىندە شەكارا ماڭىنداعى اۋماقتاردا ۆەتەريناريالىق باقىلاۋدى كۇشەيتۋ جانە ۆەتەريناريا سالاسىنداعى بارلىق باقىلاۋ-قاداعالاۋ فۋنكتسيالارىن ۆەتەريناريا سالاسىنداعى ۋاكىلەتتى ورگاننىڭ ۆەدومستۆوسىنا شوعىرلاندىرۋ ماقساتىندا:
- ەۋرازيالىق ەكونوميكالىق وداقتىڭ كەدەندىك شەكاراسى ارقىلى اۆتوموبيل وتكىزۋ پۋنكتتەرىندە مەملەكەتتىك كىرىستەر ورگاندارىنان مەملەكەتتىك ۆەتەريناريالىق-سانيتاريالىق باقىلاۋ فۋنكتسيالارىن قايتارۋ (قالعان پۋنكتتەردەگى مەملەكەتتىك ۆەتەريناريالىق-سانيتاريالىق باقىلاۋ فۋنكتسيالارىن ۆەتەريناريا سالاسىنداعى ۋاكىلەتتى ورگاننىڭ ۆەدومستۆوسى جۇزەگە اسىرادى);
- مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ فۋنكتسيالارىن جەرگىلىكتى اتقارۋشى ورگانداردان قايتارۋ كوزدەلگەن. بۇل رەتتە, جەرگىلىكتى اتقارۋشى ورگاندار قۇزىرەتىندە ۆەتەريناريا سالاسىنداعى جۇزەگە اسىرۋ مىندەتتەرى قالادى (ۆەتەريناريالىق ءىس-شارالاردى ۇيىمداستىرۋ جانە جۇرگىزۋ, اۋىل شارۋاشىلىعى جانۋارلارىن بىردەيلەندىرۋ جانە ت. ب.);
- بەلگىلەنگەن قولايلى ايماقتار اراسىندا, شەكارا ماڭىنداعى اۋماقتا, ەركىن ەكونوميكالىق ايماقتاردا تاۋارلاردىڭ وتكىزىلۋىن مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرادى.
سونداي-اق وبلىستارداعى جەرگىلىكتى اتقارۋشى ورگاندارىنىڭ ۆەتەريناريالىق قىزمەتىنىڭ قۇرىلىمى تومەندەگىدەي وزگەرتىلەدى:
- ۆەتەريناريا سالاسىنداعى مىندەتتەمەلەر وبلىستىق دەڭگەيدە شوعىرلاندىرۋ;
- وبلىستىق ماڭىزى بار قالالاردىڭ, ۆەتەريناريالىق پۋنكتتەرى بار اۋدانداردىڭ مەملەكەتتىك ۆەتەريناريالىق ۇيىمدارى وبلىسقا تىكەلەي قارايتىن بولادى.
ۋاكىلەتتى ورگاندار ۆەتەريناريا سالاسىنداعى نىسانالى ينديكاتورلاردى بەكىتۋ جانە ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگاندار بولىمشەلەرىنىڭ قىزمەتىنە باعالاۋ جۇرگىزەدى.
سونىمەن قاتار, ۆەتەريناريا جۇيەسىنىڭ تيىمدىلىگىن ارتتىرۋ ماقساتىندا كەلەسى جۇمىستار قاراستىرىلعان:
- جانۋارلاردىڭ اسا قاۋىپتى اۋرۋلارى العاش رەت نەمەسە جاڭادان انىقتالعان جاعدايدا ۆەتەريناريالىق شارالاردى قابىلداۋدىڭ ەرەكشە ءتارتىبى - رەسپۋبليكاداعى ۆەتەريناريالىق جاعدايدىڭ وزگەرۋىنە ۋاقتىلى دەن قويۋعا مۇمكىندىك بەرەدى (قر اۋماعىندا العاش رەت نەمەسە جاڭادان انىقتالعان جانۋارلاردىڭ اسا قاۋىپتى, ەكزوتيكالىق اۋرۋلارىن وقشاۋلاۋ جانە (نەمەسە) جويۋ ءۇشىن ارنالعان - تاۋارلاردى, جۇمىستاردى, كورسەتىلەتىن قىزمەتتەردى جەدەل ساتىپ الۋ مۇمكىندىگى, ۆەتەريناريالىق پرەپاراتتاردى ۋاقىتشا تىركەۋ);
- تاماق قاۋىپسىزدىگىن قامتاماسىز ەتۋ ءۇشىن بيۋدجەت قاراجاتى ەسەبىنەن ارتىق شىعىنداردى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىنىڭ يەلەرى ءوتىنىش جاساعان جاعدايدا ءوز قاراجاتى ەسەبىنەن جۇزەگە اسىرا الۋ مۇمكىندىگى;
- كومپارتمەنتتى, وڭىرلەندىرۋدى بەلگىلەۋ (ۆەتەريناريا سالاسىنداعى ۋاكىلەتتى ورگانعا وڭىرلەندىرۋ ءتارتىبىن بەكىتۋ, كومپارتمەنتكە ءبولۋ جانە ولاردى بەلگىلەۋ تۋرالى شەشىم قابىلداۋدى بەرۋ);
- جانۋارلار اۋرۋلارىنىڭ پايدا بولۋ جانە تارالۋ سەبەپتەرىن جەدەل انىقتاۋ ءۇشىن تەكسەرىلەتىن سۋبەكتىنى الدىن الا حاباردار ەتۋ بويىنشا تالاپتار الىنىپ تاستالدى (جەدەل, كەنەتتەن ءپرينتسيپى), تەكسەرۋدى تىركەۋ جۇمىس باستالعاننان كەيىن جۇزەگە اسىرىلادى.
«ۆەتەرينارلىق-سانيتارلىق باقىلاۋعا» قاتىستى ەنگىزىلگەن وزگە زاڭنامالىق وزگەرىستەر - قولدانىستاعى زاڭدار مەن كودەكستەردىڭ ەۋرازيالىق ەكونوميكالىق وداقتىڭ نورماتيۆتىك قۇقىقتىق اكتىلەرىنە سايكەس كەلتىرۋگە جانە ۆەتەريناريا سالاسىنداعى قۇقىقتىق رەتتەۋدەگى ولقىلىقتاردى, قايشىلىقتاردى جويۋعا باعىتتالعان رەداكتسيالىق-ناقتىلايتىن سيپاتقا يە.
جالپى ۆەتەريناريا سالاسىنداعى تۇزەتۋلەر قازاقستان رەسپۋبليكاسىنىڭ ازىق-ت ۇلىك قاۋىپسىزدىگىن قامتاماسىز ەتۋگە وڭ اسەرىن تيگىزەدى.
