جالاڭاش كۇيىندە پوليەتيلەن قالتاعا سالىپ تاستاعان نارەستەنىڭ اياعى سۋىققا قاتا باستاعان ەكەن. كوشە سىپىرۋشى گەننادي لەونوۆ تاۋىپ الىپ, تاعى دا كۋا بولعان كورشىلەرمەن بىرگە دەرەۋ ءتيىستى ورىندارعا حابارلايدى. «جەدەل جاردەم» قىزمەتى كەلىپ, جەدەل رەانيماتسيالىق ەم-دوم جاساعانىمەن, ناتيجە شىقپايدى.
بىراق دارىگەرلەر بالا تابىلعان كەزدە وندا كلينيكالىق ءولىمنىڭ بولعانىن ايتادى. الايدا سۋىقتا كوپ جاتىپ قالعاندىقتان, قابىلدانعان شارالار قايتارىم بەرمەگەن. ازىرگە نارەستەنىڭ اناسى تابىلعان جوق.
– ىزدەستىرۋ شارالارى جۇرگىزىلىپ جاتىر. نارەستەنى قوقىسقا تاستاپ كەتكەن ايەل تابىلعانشا جۇمىس جۇرە بەرەدى, – دەيدى وبىلستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى ەلەنا كاشارينا.
قوستاناي
