ستانيسلاۆسكي جانە نەميروۆيچ دانچەنكو اتىنداعى اكادەميالىق مۋزىكا تەاترى الماتىدا «ۇيقىداعى ارۋ» قويىلىمىن ساحنالادى.
بۇل – «الەم بالەتىنىڭ جۇلدىزدارى» فەستيۆالىندە دۇنيەجۇزىنە تانىمال ارتىستەر ونەر كورسەتىپ جاتقان ەكىنشى قويىلىم.
بالەت قويىلىمىنىڭ نەگىزگى كەيىپكەرلەرى الماتىعا العاش رەت كەلىپ وتىر. ارتىستەردىڭ سوزىنشە, جاڭا ساحنادا ونەر كورسەتۋ ءاردايىم قيىن جانە ۇلكەن جاۋاپكەرشىلىك.
«تەاتردا سپەكتاكل, زاماناۋي قويىلىم جانە كاستينگ قاتار جۇرگىزىلگەندىكتەن, ونىڭ ۇيلەسۋى قيىن. الايدا ءبارى قىزىق, ءارى ەرەكشە سەزىمگە بولەدى. پرەمەرانىڭ الدىندا قوبالجۋ بولۋى ورىندى. سەبەبى ەگەر سەن بارلىعى دايىن دەپ بوساڭسىپ شىقساڭ, قويىلىمدا ونىڭ بارلىعى كورىنەدى», دەدى ستانيسلاۆسكي جانە نەميروۆيچ-دانچەنكو اتىنداعى ماسكەۋ اكادەميالىق مۋزىكا تەاترىنىڭ پريما بالەريناسى وكسانا كارداش.
