بەس كۇندىك كۋرستاردىڭ بارىسىندا قىزمەت باستىقتارى, قويما باستىقتارى مەن ماتەريالدىق جاۋاپتى اسكەري قىزمەتشىلەرمەن ساباقتار ۇيىمداستىرىلدى. ولار «قازاقستان گيس تسەنتر» اكتسيونەرلىك قوعامىمەن قۇراستىرىلعان باعدارلامالىق جاساقتامالاردا قارۋ-جاراقتىڭ, اسكەري تەحنيكانىڭ دەرەكتەرىن, وق-دارىلەردى ەسەپكە الۋ بويىنشا وقىتۋدان ءوتتى.
- اسكەري تەحنيكا مەن رەسۋرستار ەسەبىنىڭ اۆتوماتيزاتسيالانۋى اسكەري بولىمدەردىڭ جۇمىسىن اناعۇرلىم وڭتايلاندىراتىن بولادى. سونىمەن قوسا, ول ءبولىم كومانديرلەرىنە قاراماعىنداعى قىزمەتتەردىڭ جاعدايىن ناقتى باعالاپ, قولىنداعى وزەكتى جانە ءدال اقپاراتتاردىڭ ارقاسىندا دۇرىس شەشىمدەردى قابىلداۋعا سەپتىگىن تيگىزەدى, دەپ سانايدى «باتىس» وڭىرلىك قولباسشىلىعىنىڭ اسكەرلەرى قولباسشىسى پولكوۆنيك نۇرلان الدياروۆ.
قازاقستان قارۋلى كۇشتەرىندە تسيفرلى تەحنولوگيالاردىڭ ەنگىزىلۋى قازاقستان رەسپۋبليكاسىنىڭ پرەزيدەنتى – جوعارعى باس قولباسشىنىڭ جالپىمەملەكەتتىك «تسيفرلى قازاقستان» باعدارلاماسىنا سايكەس جوسپار بويىنشا ەنگىزىلىپ كەلە جاتقانىن اتاپ كەتكەن ءجون.
