بۇدان بىلاي, «جەلتوقسانشىلار» تاۋەلسىزدىك كۇنىنە وراي 150 مىڭ تەڭگە كولەمىندە كومەك الادى. ودان بولەك, شەندىلەر ارباعا تانىلعان مۇگەدەكتەر مەن زاعيپ جاندارعا قامقور بولاتىن ادامداردىڭ دا شىعىنىن تولەپ بەرۋ ماسەلەسىن قارادى.
«الماتى قالاسىندا 500 ادام, 1- توپتاعى مۇگەدەكتەر. سولاردىڭ كومەكشىلەرى بار. وزدەرى جالعىز بارا المايدى, سولاردىڭ تاماق ماسەلەسىن, جاتاتىن ورنىن ۇيىمداستىرىپ, سول جاعىنان قولداۋ كورسەتۋلەرىڭىزدى سۇرايمىن», دەدى الماتى قالالىق ءماسليحاتىنىڭ دەپۋتاتى روزا باداەۆا.
ودان وزگە, ءماسليحات دەپۋتاتتارى 2019-2021 جىلدارعا ارنالعان قالا بيۋدجەتىن قايتا قاراۋ ماسەلەسىن تالقىلادى. قايتا بولىنگەن ناقتىلانعان قاراجات 601,5 ميلليارد تەڭگەنى قۇرادى. بۇعان كەمباعال جاندارعا, كوپبالالى انالارعا جانە از قامتىلعان وتباسىلارعا الەۋمەتتىك قولداۋ كورسەتۋ ماقساتىندا جۇمسالاتىن شىعىن كىرەدى.
سونداي-اق جولايرىق پەن مەكتەپ قۇرىلىسىنا, «جاڭا الماتى» ينفراقۇرىلىمىن جاقسارتۋعا جانە قالادا ۇيىمداستىرىلاتىن ءىس-شارالارعا جۇمسالماق.
